लागुऔषधसहित २५ जना पक्राउ

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौँ, देशका विभिन्न स्थानबाट नियमित गस्तीमा रहेको प्रहरी टोलीले लागुऔषधसहित २५ जनालाई पक्राउ गरेको छ । धादिङको गजुरी गाउँपालिका–२ चाम्वासबाट एक, सिरहा नगरपालिका–२१ पिपरा टोलबाट दुई, ललितपुर महानगरपालिका–४ नक्खु दोबाटोबाट दुई, झापाको दमक नगरपालिका–१ मामाचोकस्थित खोटाङ होटलबाट चार र सप्तरीको बोदेबरसाइन नगरपालिका–५ बाट दुई जना पक्राउ परेका केन्द्रीय प्रहरी समाचारकक्षले जानकारी दिएको छ ।

त्यसैगरी, मोरङको विराटनगर महानगरपालिका–११ अल्का मार्गबाट तीन, कास्कीको पोखरा महानगरपालिका–३ नदीपुरबाट एक, बर्दियाको बढैयाताल गाउँपालिका–२ जमुनी बजारबाट दुई, सुनसरीको इटहरी उपमहानगरपालिका–१९ अमाहाचोकबाट एक र बराहक्षेत्र नगरपालिका–३ नयाँबस्तीबाट तीन, मकवानपुरको हेटौँडा उपमहानगरपालिका–११ सागरपथबाट दुई तथा सुर्खेत, वीरेन्द्रनगर नगरपालिका–११ बाट दुई जना पक्राउ परेका प्रहरीले जनाएको छ ।

प्रहरीले लागुऔषध खैरोहेरोइन र गाँजा तथा चिकित्सकको सिफारिमा मात्र खरिद गर्न पाइने नाइट्राजेपाम उनीहरुका साथबाट बरामद गरेको छ ।