कास्कीको हेम्जास्थित याम्दी खोलाको खोचबाट महिलाको उद्धार

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, कास्की जिल्लाको पोखरा महानगरपालिका–२५ हेम्जा चौरस्थित याम्दी खोलाको खोचबाट भाद्र १७ गते बिहान सशस्त्र प्रहरीले एक महिलाको उद्धार गरिएको छ । सोही महानगरपालिका–२५ बुद्धचोक बस्ने २२ वर्षिया देवी सुनारको उक्त खोलाको खोचबाट उद्धार गरिएको हो ।

खोला नजिकै रहेको भिरबाट महिला कराएको आवाज सुनेपछि सोही ठाउँका स्थानीयले सशस्त्र प्रहरी बल नेपाल नं. २४ कालिका गण कास्कीमा जानकारी गराएका थिए । सो पश्चात उक्त गणबाट सशस्त्र प्रहरी निरीक्षक शरण खड्काको कमाण्डमा खटिएको सशस्त्र प्रहरी र नेपाल प्रहरीको संयुक्त टोलीले उनलाई खोलाको खोचमा घाईते अवस्थामा फेला पारेको थियो ।

सो टोलीले उनलाई तत्काल उद्धार गरी उपचारको लागि मणिपाल शिक्षण अस्पताल कास्की पठाईएको छ । दुवै हात र खुट्टा तथा ढाडमा चोट लागेको उनको अवस्था गम्भिर रहेको छ ।