त्रिशूली–३ ‘ए’ को सुरुङबाट एक जनाको जीवितै उद्धार, अन्यको खोजी तीव्र

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

रसुवाको भोटेकोशीमा १० भदौमा आएको विनाशकारी बाढीका कारण त्रिशूली–३ ‘ए’ जलविद्युत् आयोजनाको सुरुङभित्र फसेकामध्ये एक जनाको जीवितै उद्धार गरिएको छ।खोजी तथा उद्धार कार्यमा खटिएका इन्जिनियरका अनुसार सुरुङभित्र फसेका एक व्यक्तिलाई जीवितै उद्धार गरिएको हो। इन्जिनियर श्रीराम न्यौपानेले उद्धार कार्यमा संलग्न नेपाली सेनालाई उद्धृत गर्दै आज बिहान खोजीका क्रममा सुरुङभित्रबाट मानिसको आवाज सुनिएको संकेत प्राप्त भएको बताएका थिए।

मानिसको आवाज सुनिएपछि उद्धार टोलीले सुरुङभित्र खोजी कार्यलाई थप तीव्र बनाएको थियो। निरन्तरको प्रयासपछि सुरुङभित्र फसेका एक व्यक्तिको जीवितै उद्धार गर्न सफलता मिलेको जनाइएको छ।

बाढीका कारण सुरुङभित्र फसेका अन्य व्यक्तिहरूको खोजी तथा उद्धारका लागि नेपाली सेना र सशस्त्र प्रहरी बलको टोली निरन्तर परिचालित रहेको छ। सुरुङभित्र रहेका अवरोध हटाउँदै उद्धारकर्मीहरू थप व्यक्तिसम्म पुग्ने प्रयासमा जुटिरहेका छन्।

विनाशकारी बाढीपछि सुरुङभित्र फसेकाहरूको अवस्था र उद्धार कार्यलाई लिएर परिवारजन तथा स्थानीयहरू चिन्तित रहँदै आएका बेला एक जनाको जीवितै उद्धार हुनुलाई उद्धार अभियानको महत्वपूर्ण सफलता मानिएको छ। अन्य फसेका व्यक्तिहरूको खोजी तथा उद्धार कार्य अझै जारी रहेको छ।