मेरिना इम्पेक्सले नेपाली क्रिकेट टिमलाई ४० जोर सुट दिने

काठमाडौं । बागबजारमा रहेको मेरिना इम्पेक्सले नेपाली क्रिकेट टिमलाई ४० जोर सुट दिने भएको छ । मेरिना इम्पेक्स र नेपाल क्रिकेट सघंबीच बिहीबार उक्त सम्झौता भएको हो ।

सम्झौतामा मेरिना इम्पेक्सका तर्फबाट पवन खड्का र क्यानका तर्फबाट कोषाध्यक्ष पदमबहादुर खड्काले हस्ताक्षर गरेका छन् । टी– २० वल्र्ड कपमा नेपाली क्रिकेट टिमको सहभागिताको प्रबल सम्भावना रहेको बेला खेलाडीको हौसला बढाउन उक्त सहयोग गरेको मेरिना इम्पेक्स्ले जनाएको छ । पछिल्लो समय नेपाली क्रिकेटले देशलाई अन्तर्राष्ट्रियस्तरमा चिनाएकोले क्रिकेट टिमलाई सहयोग गर्नुपर्ने दायित्वबोधलाई मनन गर्दै आफूहरूले सहयोग गरेको मेरिना इम्पेक्सका अर्जुन बस्नेतले बताए ।