चीन । मकाउका क्यासिनो कम्पनीहरुको सेयर मूल्यमा गिरावट आएको छ । प्रहरीले ११ जनालाई सम्पत्ति शुद्धीकरण र अवैध सीमा पार जुवामा सहभागी भएको भन्दै पक्राउ गरेपछि कम्पनीहरुको सेयरमूल्यमा ह्रास आएको हो ।
जुवाका चर्चित व्यक्ति अल्विन चाउलाई समेत प्रहरीले सोधपुछ गरेको बताइएको छ । चाउले सीमापार जुवामा सिन्डिकेट गरेको आरोप लागेको चिनियाँ राज्यनियन्त्रित मिडियाले बताएको छ । चीनको मूलभूमिमा जुवा अवैध भए पनि मकाउमा वैध मानिन्छ । मकाउ विश्वकै मुख्य जुवा हब हो ।
हङकङ समाचारपत्र साउथ चाइना मर्निङ पोस्टका अनुसार चाउ पनि पक्राउ परेका छन् । चाउ सनसिटी ग्रुप होल्डिंग्सका प्रमुख हुन् । उनले स्थापना गरेको सनसिटीले धनी मानिसलाई एसियाका चर्चित क्यासिनो लैजान्छ । सोमबार हङकङ स्टक एक्सचेन्जमा ग्रुपको सेयर कारोबार निलम्बन भएको थियो । सिटीका ठूला सञ्चालकहरु समेत यसबाट प्रभावित भएका छन् । एमजीएम चाइनाको सेयर १० प्रतिशतले, वान मकाउको ८ प्रतिशतले र स्यान्ड्स चाइनाको ६ प्रतिशत घटेर कारोबार भएको बताइएको छ ।
क्रसबोर्डर ग्याम्बलिङ क्रिमिनल सिन्डिकेटको प्रमुखका रुपमा ग्लोबल टाइम्सले चाउको नाम उल्लेख गरेको छ । उनका चीनमा ८० हजार सदस्य र १२ हजार गेमिङ एजेन्ट रहेका छन् ।
चाउ हङकङमा सूचीकृत सन इन्टरटेन्मेन्ट ग्रुपका सेयर सदस्य समेत रहेका छन् । यसले फिल्म उत्पादनलगायका काम गर्छ । यो ग्रुपको सेयर पनि सोमबार दिउँसोसम्म ३० प्रतिशतले घटेको थियो । पछिल्ला महिनामा मकाउका क्यासिनोहरुमाथि अनुसन्धान तीव्र भइरहेको छ । खासगरी सञ्चालनको अवस्थालाई सरकारी नियामकहरुले नजिकबाट नियालिरहेका हुन् ।
क्याटेगोरी : विश्व बजार
ताजा अपडेट
- एम्बुलेन्सको ठक्करबाट महिलाको मृत्यु, दुईजना घाइते
- जाहेरी दिएपछि कार्यान्वयन गर्न थप के–के गर्नुपर्छ महोदय ?
- संसदीय छानबिन समिति गठन गर्न दलहरू सहमत
- देशभर पश्चिमी र स्थानीय वायुको प्रभाव कायमै
- अध्यागमन प्रशासनलाई व्यवस्थित र जिम्मेवार बनाउन अधिकार प्रत्यायोजन
- चार एसएसपीलाई डिआइजीमा बढुवा सिफारिस
- सन्दीपलाई टी-२० विश्वकप खेल्ने टोलीमा समावेश गर्न आईसीसीले दियो अनुमति
- बेनीका विद्यार्थीलाई पढाइसँगै सीप
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया