आजको एकीकृत समाजवादीको बैठकमा विभिन्न प्रतिवेदनमाथि छलफल जारी

काठमाडौं । ललितपुरको बालकुमारीमा विहान आठ बजेदेखि नेकपा (एकीकृत समाजवादी) को केन्द्रीय कमिटी बैठक बिहीबार पनि जारी छ । मंगलवारबाट शुरु भएको बैठकमा पार्टी अध्यक्ष माधवकुमार नेपाल र पार्टी महासचिव घनश्याम भुसालले प्रस्तुत गरेका विभिन्न प्रतिवेदनमाथि छलफल जारी छ ।

मंगलवारको बैठकमा पेस गरिएको राजनीतिक प्रतिवेदन, लेखा आयोग र निर्वाचन आयोगको प्रतिवेदनमा छलफल चलिरहेको नेताहरुले जनाएका छन् । ८१ जनाले मंगलबारको बैठकमा आ(आफ्नो धारणा राखेका थिए । केन्द्रीय सदस्यहरूले राखेको धारणामा आजै अध्यक्ष नेपालले जवाफ दिएर बैठक समापन गरिँदैछ ।