संस्था र सञ्चालकको सम्पत्ति बेचेर चैतसम्म बचत रकम फिर्ता गर्न गठित कार्यदलको सुझाब !

काठमाडौं।सहकारीका समस्या अध्ययन गरी समाधानका उपाय सुझाउन गठित सहकारी क्षेत्र सुधार सुझाव कार्यदलले सहकारी संस्था र सञ्चालकको सम्पत्ती बेचर चैतसम्म बचत रकम फिर्ता गर्न सरकारलाई सुझाब दिएको छ । मंगलबार कार्यदलले बिभिन्न सुझावहरु सहितको प्रतिवेदन प्रधानमन्त्री पुष्प कमल दाहाल प्रचण्डलाई दिएको छ । राष्ट्रिय योजना आयोगका सदस्य डा.जयकान्त राउतको संयोजकत्वमा गठित कार्यदलले बिभिन्न सुझावहरु दिएको छ ।

तीन महीनाभित्र सबै वित्तीय सहकारीको अनुगमन गर्ने,संघिय रजिस्ट्रारलाई थप अधिकार दिने,सहकारी प्राधिकरण वा सुपरिवेक्षण बोर्ड गठन गर्ने,सञ्चालकको योग्यता र ऋणमा कडाई गर्ने,तरलता व्यवस्थापन गर्न सहुलियत ब्याजमा ऋण दिने,समस्यामा परेका संस्था र संञ्चालकको सम्पत्ति र पासपोर्ट रोक्का गर्ने,सहकारीलाई कारबाही गर्ने अधिकार प्रजिअलाई दिने लगायतका सुझाबहरु प्रधानमन्त्री दाहाललाई दिएको प्रतिबेदनमा उल्लेख रहेको छ ।