काठमाडौं, पुस २१
कृषि विकास बैंक ह्याकिङ प्रकरणका फरार व्यक्ति दिपक नेपाल पक्राउ परेका छन् । कृषि विकास बैंकको क्रेडेन्सियल ह्याकिङ गरी रकम निकाली ठगी गरेको प्रकरणमा ह्याकिङ गरेको एक करोड रुपैयाँसहित फरार रहेका मोरङ रंगेली नगरपालिका २ का ४३ वर्षीय नेपाललाई शुक्रबार प्रहरीले पक्राउ गरेको हो ।
नाइजेरियन र भारतीय नागरिकहरुसँग लामो समयदेखि भारतको मुम्बई साथै नेपालमा बसी नेपालका बैंक तथा वित्तीय संस्थाहरूबाट पाँच अर्ब रुपैयाँ (५० मिलियन डलर) भन्दा बढी रकम ह्याक गरी लैजाने योजना बनाई विभिन्न नेपाली नागरिकहरूलाई प्रयोग गरी कृषि विकास बैंकको उक्त रकम निकाली फरार नेपाललाई महानगरीय अपराध महाशाखाको टोलीले पक्राउ गरेको हो ।
पक्राउ परेका नेपाललाई आवश्यक कारबाहीको लागि काठमाडौं जिल्ला अदालत पठाइएको महाशाखाले जनाएको छ । यसैगरी प्रहरीले वीरगञ्ज महानगरपालिका ८ बसपार्कस्थित होटल साह प्याराडाइजबाट सोही महानगरपालिका १६ नगवा बस्ने २९ वर्षीय रियाज देवानलाई नक्कली भारतीय नोटसहित शनिबार राति प्रहरीले पक्राउ गरेको छ । जिल्ला प्रहरी कार्यालय पर्साबाट खटिएको प्रहरीले उनको साथबाट दुुई हजार दरका तीन थान नोट गरी छ हजार नक्कली भारतीय रुपैयाँसहित उनलाई नियन्त्रणमा लिएको हो ।
यसैबीच महानगरीय प्रहरी कार्यालय रानीपोखरीले आइतबार नै सुन र हिरासहित दुुई जना भारतीय नागरिक पक्राउ गरेको जानकारी दिएको छ । महाशाखाका अनुसार नेपाल एयरलायन्सको उडानद्वारा मलेसियाबाट नेपाल आएका तामिल नाडुुका मोहम्मद मेहदिन सताथ र भारतको केरला बस्ने कोताकुुथ किजाखुु पक्राउ परेका हुुन् । उनीहरुलाई त्रिभुुवन विमानस्थल सुरक्षा कार्यालयले पक्राउ गरेको हो । पक्राउ परेका भारतीय नागरिकको साथबाट दुुई सय २२ ग्राम हिरा र पाँच सय ग्राम सुन बरामद गरिएको प्रहरीले जनाएको छ ।
क्याटेगोरी : समाचार
ताजा अपडेट
- शीतल निवासमा राष्ट्रपतिसमक्ष थारू आयोगको प्रतिवेदन पेस
- पहिलो अन्नपूर्ण प्रथम हिमाल आरोही मौरिस हर्जोगका छोरालाई सम्मान
- सहरी विकासमा युवाको सङ्लग्नता बढाउनु आजको आवश्यकता हो: उपप्रधानमन्त्री सिंह
- ३७ अंकले उक्लियो शेयर बजार
- पाँचखाल नगरप्रमुख खरेलद्वारा तीन वर्षको तलबभत्ता राहत कोषमा सहयोग गर्ने
- जसपा नेपालले पायो अन्तर्राष्ट्रिय सङ्गठन प्रोग्रेसिव अलान्सको सदस्यता
- दसैँ सुरु भएसँगै मानुङकोटमा पर्यटकको चहलपहल
- इरानमाथि आक्रमण गर्ने इजरायलको चेतावनी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया