Techie IT
×
गृहपृष्ठसमाचारविपत्को दीर्घकालीन सुरक्षाका लागि सुरक्षित स्थानमा एकीकृत बस्ती निर्माण गरिनुपर्ने

विपत्को दीर्घकालीन सुरक्षाका लागि सुरक्षित स्थानमा एकीकृत बस्ती निर्माण गरिनुपर्ने


मेलम्ची ।
प्रधानमन्त्री केपी शर्मा ओलीले विपतबाट जनधनको दीर्घकालीन सुरक्षा गर्नका लागि सुरक्षित स्थानमा एकीकृत बस्ती निर्माण गरिनुपर्ने बताएका छन् । गत असार १ गते आएको भीषण बाढीबाट क्षतिग्रत भएको मेलम्ची क्षेत्रको शनिबार अवलोकन भ्रमणपश्चात् स्थानीय जनप्रतिनिधिहरूलाई सम्बोधन गर्दै उनले अब पुरानै ठाउँमा बस्ती बसाउने कोसिस नगर्न आग्रह गरे ।

‘यही ठाउँमा त्यसैगरी उस्तै बस्ती, उही ठाउँमा बजार बसाउने कुरामा धेरै कोसिस नगरौँ । किनभने २/४ वर्ष कुनै पनि समय विनाश नआउँदासम्म त सुरक्षित हुन्छ । आएको बेलाचाहिँ फेरि त्यसले बर्बाद गर्छ’, उनले भने ।

बाढी पहिरोले खोला किनारका बस्तीहरू, बजारहरू, संरचनाहरू वा खेतीपातीलाई नै सँधै बिगार्ने बताउँदै उनले सुरक्षित बस्ती, सुरक्षित आवास र सुरक्षित ठाउँमा बाढी र पहिरोले केही गर्न नपाउने स्थानमा सार्ने र त्यो सुरक्षित स्थानमा भूकम्प प्रतिरोधक खालका संरचनाहरूको निर्माण गरेर मात्र सिन्धुपाल्चोकको जनताले सधैँ बेहोरिरहने कष्टलाई न्यून गर्न सकिने बताए । साथै उनले अहिले बगरको रूपमा परिणत भएको स्थानलाई भोलि वागबानी, बगैँचा, खेती, मत्स्य पालन आदि क्षेत्रहरूमा विकास गर्नसकिने उल्लेख गरे ।


क्याटेगोरी : समाचार

तपाईको प्रतिक्रिया