समय् फल्चा भत्काउन माग गर्दै सुरेन्द्र भण्डारीले हाले जिल्ला अदालतमा मुद्दा
नेवार समुदाय आक्रोशित
काठमाडौँ । श्री लालीगुराँस बहुउद्देश्यीय सहकारी संस्थाका प्रमुख कार्यकारी अधिकृत सुरेन्द्र भण्डारीले ललितपुरवासीको ऐतिहासिक सम्पदा भत्काउन अदालतमा मुद्दा दायर गरेका छन् । २०६ वर्ष पुरानो ऐतिहासिक समय् फल्चा भत्काइपाऊँ भन्दै उनले जिल्ला अदालत काठमाडौंमा मुद्दा हालेका हुन् । समय् फल्चाको भग्नावशेषमाथि अवैध रुपमा निर्माण भएको भवनमा सञ्चालित सहकारीले आफ्नो भवन समेत मापदण्डविपरीत निर्माण गरेको थियो ।
ललितपुर महानगरपालिकाले सर्वोच्च अदालत, उच्च अदालत र जिल्ला अदालतको आदेश तथा फैसलाअनुसार निर्माण गरेर सम्पन्नको चरणमा रहेको फल्चा भत्काउन उनले अदालतमा मुद्दा दायर गरेका हुन् ।
आश्चर्य त के भने उक्त फल्चा निर्माणको विरोधमा रहेको वडा नम्बर ३ लाई उनले विपक्षी बनाएका छन् । फल्चा निर्माण गर्न हुन्न भन्ने पक्षमा वडा नम्बर ३ का वडाध्यक्षले वकालत गर्दै आएका छन् । सम्पदा निर्माणमा क्रियाशील मेयर चिरिबाबु महर्जनको सक्रियतामा समय् फल्चाको करिब ९० प्रतिशत निर्माण सम्पन्न हुँदै छ ।
भण्डारीले फल्चा निर्माणका लागि महानगरपालिकाले बजेट विनियोजन गरेदेखि नै विभिन्न सरकारी निकायको दुरुपयोग गर्दै आएका छन् । यसअघि जिल्ला अदालत, उच्च अदालत र सर्वोच्च अदालतमा समेत उनले झूटो निवेदन दायर गरेका थिए । तर, सबैजसो अड्डा अदालतमा उनको झूट पराजित हुँदा पनि उनले फेरि जिल्ला अदालतमा मुद्दा दायर गरेका हुन् ।
भण्डारीले दायर गरेको मुद्दामा आगामी मंसिर १० गतेलाई छलफलमा झिकाउन जिल्ला अदालत ललितपुरका न्यायाधीश ऋषिराम निरौलाको इजलासले आदेश दिएको छ ।
२०६ वर्षभन्दा पुरानो ऐतिहासिक समय् फल्चाको भग्नावशेषमाथि श्री लालीगुराँस सहकारीले स्वीकृत नक्सा र मापदण्डविपरीत भवन बनाएको थियो । ललितपुर महानगरपालिकाले फल्चा निर्माणको लागि बजेट विनियोजन गरेपछि सहकारी र महानगरपालिकाबीच विवाद भएको थियो ।
हाल तीनै तहका अदालतको आदेश तथा फैसलाबाट ऐतिहासिक समय् फल्चा निर्माणकार्य सम्पन्न हुने तयारीमा छ ।भण्डारीले फल्चा भत्काउन मुद्दा दायर गरेपछि ललितपुरका नेवार समुदाय फेरि आक्रोशित बनेका छन् । उनले ललितपुरमै सहकारी सञ्चालन गरेर त्यहाँकै नेवार समुदायको बचत रकम दुरुपयोग गरी सोही क्षेत्रका नेवार समुदायको सम्पदाविरुद्ध भण्डारीको गतिविधि खेदजनक भएको एक अधिकारकर्मीले आर्थिक दैनिकलाई बताए ।
क्याटेगोरी : समाचार
ताजा अपडेट
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया