कोरोना भाइरस सङ्क्रमण ६४ मुलुकमा, करिब तीन हजारको मृत्यु
पेरिस, फागुन १९
आइतबार अपरान्ह्सम्म कोरोना भाइरसको सङ्क्रमण विश्वका ६४ मुलुकमा भेटिएको छ ।विभिन्न मुलुकका आधिकारिक स्रोतहरूबाट एएफपीले लिएको तथ्यांकअनुसार आइतबारसम्म विश्वभर दुई हजार नौ सय ९० जनाको यस भाइरसको सङ्क्रमणका कारण मृत्यु भएको छ भने कुल ८७ हजार पाँच सय ६५ जनामा भाइरसको सङ्क्रमण पुष्टि भएको छ ।शनिबार साँझ ५ बजेपछि आइतबार अपरान्ह्सम्म थप एक हजार छ सय ४६ थप व्यक्तिमा सङ्क्रमण पुष्टि भएको छ । कोभिड–१९ भनिने उक्त भाइरसको सङ्क्रमण मकाउ तथा हङकङबाहेक मुख्यभूमि चीनमा कुल ७९ हजार आठ सय २४ जनामा पुष्टि भएको छ भने त्यहाँ कूल दुई हजार ८२४ जनाको सङ्क्रमणका कारण मृत्यु भएको छ । चीनमा शनिबार ५ बजेदेखि आइतबार ११ बजे (ग्रीनवीच समय)सम्ममा पाँच सय ७३ जना नयाँ बिरामीमा सङ्क्रमण पुष्टि भएको छ भने ३५ जनाको सङ्क्रमणपछि उपचारका क्रममा मृत्यु भएको छ । अहिलेसम्म चीनबाहिर कुल सात हजार सात सय ४१ जनामा कोरोना भाइरस सङ्क्रमणको पुष्टि भएको छ भने कुल एक सय २० जनाको मृत्यु भएको छ । यद्यपि इरानबाट सरकारी अधिकारीले उपलब्ध गराएको तथ्यांको निकै धेरै गुणा भाइरस सङ्क्रमणका कारण मृत्यु भएको कतिपय अन्तर्राष्ट्रिय सञ्चारमाध्यमहरूले जनाएका छन् । यो समयमा चीनबाहिर करिब एक हजार ७३ नयाँ बिरामीमा कोरोना भाइरस सङ्क्रमण पुष्टि भएको छ । चीनपछि सबैभन्दा बढी प्रभावित मुलुकहरूमा दक्षिण कोरिया, इटली, इरान र जापान रहेका छन् ।
दक्षिण कोरियामा अहिलेसम्म तीन हजार सात सय ३६ जनामा सङ्क्रमण भएको र अघिल्लो दिनभन्दा ५८६ थप व्यक्तिमा सङ्क्रमण पुष्टि भएको छ भने कुल १८ जनाको मृत्यु भएको छ । इटलीमा कुल एक हजार एक सय २८ जनामा सङ्क्रमण भएको र अघिल्लो दिनभन्दा थप सङ्क्रमण नभएको र कूल २९ जनाको मृत्यु भएको बताइएको छ । त्यस्तै इरानमा चीनबाहिर सबैभन्दा बढी अर्थात् कुल ५४ जनाको मृत्यु भएको छ भने सङ्क्रमितको संख्या आइतबारसम्म थप तीन सय ८५ पुगेको र इरानमा कुल नौ सय ७८ व्यक्तिले सङ्क्रमणपछि उपचार सेवा लिइरहेको बताइएको छ ।जापानमा कुल दुई सय ३९ व्यक्ति सङ्क्रमित भई उपचार गरिरहेका बताइएको छ भने कुल ११ जनाको मृत्यु भएको छ । जापानमा विगत २४ घण्टामा थप नौजनामा सङ्क्रमणको पुष्टि भएको छ । जापानको अर्को छुट्टै स्थान जहाँ डायमण्ड प्रिन्सिेस नामक योकोहामा बन्दरगाह नजिकै रोकिएको जहाजमा सात सय जनामा सङ्क्रमण भएको अधिकारीहरूले बताएका छन् । उल्लिखित तथ्यांक सम्बन्धित देशका विश्वसनीय तथा आधिकारिक संस्था तथा विश्वस्वास्थ्य संगठनको सहयोगमा एएफपीले लिएको हो । (रासस÷एएफपी)
क्याटेगोरी : समाचार
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया