रोकिएका निर्वाचन क्षेत्रका मतगणना सुरु
समानुपातिकमा एमालेलाई २६ लाख मत
काठमाडौं । मतगणना भइरहे पनि विवादका कारण रोकिएको सुनसरी क्षेत्र नम्बर ४ र उदयपुर क्षेत्र नम्बर १ पनि मतगणना सुरु गर्न निर्वाचन आयोगले निर्देशन दिएको छ । सोमबार दिउँसो पत्रकार सम्मेलन गरेर सुनसरी–४ का नेकपा एमालेका उम्मेदवार जगदिश कुसियैतले सडक संघर्ष गर्ने चेतावनी दिएपछि साँझ निर्वाचन आयोगले मतगणना गर्न निर्देशन दिएको हो ।
एमालेका कुसियैतसँग सत्ता गठबन्धनबाट नेपाली कांग्रेसका नेता एवं सञ्चारमन्त्री ज्ञानेन्द्र बहादुर कार्की प्रतिस्पर्धामा छन् । एक सयभन्दा कम मतले कार्की अगाडि रहे पनि विगतदेखि नै एमालेको राम्रो प्रभाव क्षेत्रको मतगणना बाँकी रहेको कारण कांग्रेस उम्मेदवार मन्त्री कार्कीले पुनः मतदान गर्न माग गरेपछि गणना अवरोध भएको थियो । तर, आयोगले स्थगित मतगणना सुरु गर्न निर्देशन दिएपछि कार्कीको माग पूरा नहुने भएको छ । उदयपुरमा पनि मतगणना हुने भएको छ । आयोगबाट जिल्लालाई त्यससम्बन्धी निर्देशन गइसकेको छ । बुथ कब्जा भएको दोलखामा बिहीबार मतदान हुने भएको छ भने बाजुरा र स्याङ्जा क्षेत्र नम्बर २ को बारेमा निर्णय भइसकेको छैन ।
यसैबीच, समानुपातिकतर्फ ९४ लाख ७३ हजार पाँच मतगणना हुँदा नेकपा एमालेले आफ्नो अग्रतालाई कायम राखेको छ । एमालेले सोमबार रातिसम्म २५ लाख ६६ हजार तीन सय ८४ मत प्राप्त गरेको छ भने दोस्रोमा रहेको कांग्रेसले २४ लाख ३३ हजार एक सय ९८ मत ल्याएको छ । करिब २६ लाख मत प्राप्त गरेका छन् । एमालेले २६ लाखभन्दा बढी मत ल्याउने देखिएको छ । दोस्रोमा नेपाली कांग्रेस र तेस्रोमा माओवादी र राष्ट्रिय स्वतन्त्र पार्टीबीच तीव्र प्रतिस्पर्धा भइरहेको छ । यी दुई पार्टीबीच बेलाबेलामा उछिन्ने र पछि पर्ने क्रम जारी छ । अन्य पार्टीहरुको मत न्यून छ ।
क्याटेगोरी : समाचार
ताजा अपडेट
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया