Techie IT
×
गृहपृष्ठसमाचारदर्जन बेवारिसे सवारीसाधन वर्षौँदेखि प्रहरी नियन्त्रणमा

दर्जन बेवारिसे सवारीसाधन वर्षौँदेखि प्रहरी नियन्त्रणमा


सोलुखुम्बु ।सोलुखुम्बुमा वर्षौँदेखि प्रहरी नियन्त्रणमा रहेको एक दर्जन बेवारिसे सवारीसाधन जीर्ण बन्न थालेका छन् । चेकजाँचको क्रममा प्रहरीले नियन्त्रणमा लिएको एउटा बोलेरो र मोटरसाइकल गरी १२ वटा सवारीसाधन झण्डै चार वर्षदेखि जिल्ला प्रहरी कार्यालय सोलुखुम्बुको नियन्त्रणमा रहेका छन् ।

नियन्त्रणमा रहेका सवारीसाधनहरूमा ना ३ च ३९२९ नम्बरको बोलेरो र मे ९ प ३८२२, बा ०२०१६०/३६४३, बा ९३ प ८८९५, को २५ प ६४५०, बा ५३ प ९११७, बा ४६ प ४८०० र बा ५५प ४८३३ बा ५७ प ५२०६ नम्बरको अपाची आरटिचार, बा ४३ प ५२४२, बा ३६ प २४६५ र स ४ प ३४५४ नम्बरका होन्डा मोटरसाइकल रहेको प्रहरी निरीक्षक अनिल मिश्रले जानकारी दिए ।

उनका अनुसार उक्त सवारीसाधनहरूको कुनै पनि कागजात नभएको र वर्षौँदेखि सवारीधनी समेत सम्पर्कमा आएका छैनन् । लामो समय प्रहरी कार्यालयको खुला स्थानमा राखिँदा उक्त सवारीसाधनहरू काम नलाग्ने अवस्थामा पुगिसेका छन् ।
कार्यालयले लिलाम बिक्री गरी सरकारी खातामा राजस्व दाखिला गर्न पाउने कानुनी व्यवस्था भए पनि झन्जटिलो प्रक्रियाका कारण समस्या भएको स्रोतको भनाइ छ ।

No description available.

कार्यालयपरिसरमा १२ वटा बेवारिसेसहित अन्य ३२ वटा कागजात चुस्तदुरुस्त नभएका सवारीसाधनहरू पनि वर्षौँदेखि थन्किएका छन् । ट्राफिक चेकजाँचको क्रममा समातिएका सवारीसाधनहरू सवारीधनी लिन नआउँदा कबाडीमा परिणत भइसकेको जिल्ला ट्राफिक प्रहरी कार्यालय सोलुखुम्बुले जनाएको छ ।


क्याटेगोरी : समाचार

तपाईको प्रतिक्रिया