मोबाइलबाट दिनमा दुई लाख रुपैयाँसम्म कारोबार
एटीएम कार्डबाट रकम निकाल्दा १५ रुपैयाँ चार्ज !
काठमाडौं,मोबाइल वालेटबाट अब दिनमा दुई लाख रुपैयाँसम्म कारोबार गर्न सकिने भएको छ । नेपाल राष्ट्र बैंकले एकीकृत निर्देशन एकीकृत निर्देशन–२०७९ जारी गर्दै सम्बन्धित सबै निकायहरुलाई यस्तो व्यवस्था कार्यान्वयनमा ल्याउन निर्देशन दिएको हो ।
यो व्यवस्थापछि अब कुनै पनि ग्राहकहरुले आफ्नो मोबाइल वालेटबाट एक दिनमा दुई लाख रुपैयाँसम्म रकमान्तर गर्न सक्नेछ । यसअघि भने यस्तो कारोबारको प्रतिदिन सीमा एक लाख रुपैयाँ मात्र कायम रहेको थियो ।
यसअघि बैंक खाताबाट वालेटमा र वालेटबाट अन्य बैंक खातामा रकमान्तर गर्दा प्रतिकारोबार ५० हजार रुपैयाँसम्मको सीमा रहेकोमा राष्ट्र बैंकले एकीकृत निर्देशन– २०७९ जारी गर्दै उक्त व्यवस्थालाई पनि तत्कालको लागि हटाएको छ ।
राष्ट्र बैंकले भुक्तानी सेवा प्रदायकको रुपमा कारोबार गर्न अनुमति पाएका विप्रेषण कम्पनीहरुसँग सम्झौता गरी विदेशबाट आप्रवाह हुने रकम नेपालमा सञ्चालित वालेटमा जम्मा गर्नसक्ने व्यवस्था पनि कार्यान्वयनमा ल्याएको छ ।
यो व्यवस्थाअनुसार रेमिट्यान्स प्राप्त गर्दा वालेटमा रकम जम्मा गर्न तोकिएको सीमाले बाधा नपर्ने एकीकृत निर्देशन–२०७९ मा उल्लेख रहेको छ ।एकीकृत निर्देशन–२०७९ जारी गर्दै राष्ट्र बैंकले मोबाइल एप (क्यूआर कोड समेत) बाट हुने कारोबारको सीमा पनि बढाएको छ ।
यसअघि यस्तो कारोबारको सीमा दुई लाख रुपैयाँ रहेकोमा अब भने यस्तो कारोबारको सीमा बढाएर तीन लाख रुपैयाँ पु¥याइएको छ । राष्ट्र बैंकले सरकारको राजस्व व्यवस्थापन सूचना प्रणाली (आरएमआईएस)मा पाँच हजार रुपैयाँसम्म कारोबार गर्दा प्रतिकारोबार अधिकतम सेवा शुल्क पाँच रुपैयाँ तोकेको छ ।
राष्ट्र बैंकका अनुसार यसअघि तीन हजार रुपैयाँसम्म कारोबार गर्दा पाँच रुपैयाँ लाग्ने व्यवस्था रहेको थियो । एकीकृत निर्देशन– २०७९ अनुसार अब पाँच सय एक रुपैयाँदेखि १० हजार रुपैयाँसम्म अधिकतम आठ रुपैयाँ र १० हजार एक रुपैयाँदेखि माथि १० रुपैयाँ तोकिएको छ ।
यसअघि तीन हजार एक देखि १० हजार रुपैयाँसम्मको कारोबारमा १० रुपैयाँ र १० हजार एकदेखि माथिको कारोबारमा २० रुपैयाँ सेवा शुल्क लिन पाउने व्यवस्था रहेको थियो ।
यसैगरी मोबाइल एप वा इन्टरनेट बैंकिङबाट विद्युतीय रकमान्तर (इन्टर बैंक फन्ड ट्रान्सफर) गर्दा सेवा प्रदायकहरुले प्रतिकारोबार अधिकतम १० रुपैयाँसम्म मात्रै सेवा शुल्क लिन पाउने व्यवस्था गरिएको छ । राष्ट्र बैंकका अनुसार यसअघि यस्तो शुल्क रकमअनुसार १० रुपैयाँदेखि ३० रुपैयाँसम्म रहेको थियो ।
एकीकृत निर्देशन– २०७९ जारी गर्दै राष्ट्र बैंकले एउटा बैंकको एटीएम कार्ड प्रयोग गरेर अर्को बैंकबाट पैसा निकाल्दा लाग्ने शुल्कलाई पनि आंशिकरुपमा घटाएको छ । यसअघि फरक बैंकको एटीएम कार्डमार्फत फरक बैंकबाट रकम निकाल्दा २० रुपैयाँ शुल्क लाग्ने व्यवस्था रहेकोमा अब भने यस्तो शुल्कलाई घटाएर १५ रुपैयाँ बनाई राष्ट्र बैंकले जनाएको छ ।
क्याटेगोरी : समाचार
ताजा अपडेट
- शिक्षकहरुको अन्तरजिल्ला सरुवा रोक्का
- साझा न्यूनतम कार्यक्रम सार्वजनिक गरिँदै
- निसीखोला बस दुर्घटना : नौ जनाको मृत्यु, २८ घाइते
- सुन तस्करी प्रकरणमा पक्राउ परेका पूर्वसभामुख महरा अस्पताल भर्ना
- उपनिर्वाचन :२० दललाई निर्वाचन चिह्न प्रदान
- मधेस प्रदेशमा मन्त्रिपरिषद् पुनर्गठन
- निसीखोला बस दुर्घटना : सातको मृत्यु, २० जना घाइते
- नवनियुक्त मन्त्री दिपक मनाङेले लिए सपथ
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- नेपाली अमेरिका कलाकार सङ्घमा बसन्ती राई
- नेपाल र भारतबीच १० हजार मेगावाट विद्युत् बिक्री–खरिद सम्झौता यसैसाता
तपाईको प्रतिक्रिया