नक्कली भुटानी शरणार्थी प्रकरणमा समातिएका दुई जनालाई राजनीतिक दबाबमा छुटाइएको थियो : पूर्वएआइजी शर्मा

काठमाडौं । नक्कली भुटानी शरणार्थी प्रकरणमा समातिएका दुई जनालाई नेपाली कांग्रेस नेता बालकृष्ण खाण गृहमन्त्री हुँदा राजनीतिक दबाबमा छुटाइएको नेपाल प्रहरीका पूर्वप्रहरी अतिरिक्त महानिरीक्षक विज्ञानराज शर्माले दाबी गरेका छन्।

नेपालीलाई नक्कली भुटानी शरणार्थी बनाएर लैजाने योजना बनाएको गिरोहले केपी शर्मा ओली नेतृत्वको सरकारका पालामा उनको सरकार ढलेपछि प्रहरीमा उजुरी गरेको उनको दाबी छ।

खाण गृहमन्त्रीहुँदा उजुरी आएपछि प्रहरीको अपराध अनुसन्धान महाशाखाले दुई जना अभियुक्तलाई पक्राउ गरेको र पछि राजनीतिक दबाबमा छोडेको उनले बताएका छन्।