दुवै खुट्टा गुमाएका हरिबहादुर बुढामगरद्वारा सगरमाथाको सफल आरोहण

काठमाडौं,घुँडामाथिसम्म दुवै खुट्टा गुमाएका भूतपूर्व गोर्खा सैनिक हरिबहादुर बुढामगरले विश्वको सर्वोच्च शिखर सगरमाथाको सफल आरोहण गरेका छन् । बुढामगरले गत शुक्रबार दिउँसो सगरमाथाको सफल आरोहण गरेर विश्व कीर्तिमानी समेत कायम गरेका छन् ।

मगरले कृत्रिम खुट्टाको सहयोगमा सगरमाथा आरोहण गरेका थिए । दुवै खुट्टा नभएका हालसम्म दुई जनाले सगरमाथा चढिसकेका छन् । उनीहरू घुँडामुनि खुट्टा नभएका आरोही हुन् भने घँुडामाथिसम्म खुट्टा गुमाएर पनि सगरमाथा आरोहण गर्न सफल हुने बुढामगर पहिलो व्यक्ति हुन् । आरोहणका जनसम्पर्क अधिकृत हिम विष्टका अनुसार मगरको टोलीले शुक्रबार दिउँसो तीन बजे सगरमाथाको दक्षिणी मोहोडाबाट आरोहण गरेका हुन् ।

संसारको शिखरमा चढेर अपाङ्गता भएका जोकोहीले आफ्नो सपना पूरा गर्न सक्न भन्ने पुष्टि भएको बताए । सन् १९९९ मा ब्रिटिस गोर्खा सेनामा भर्ती भएका मगर रोल्पाको मिरूल गाउँमा १९७९ मा जन्मेका हुन् । ब्रिटिस सेनामा रहँदा अफगानिस्तानको लडाइँमा सन् २०१० मा तालिबानको एम्बुसमा परेर आफ्ना दुवै खुट्टा घुँडाभन्दा माथिबाट गुमाएका थिए । उनले दुवै खुट्टा गुमाएपछि दुई वर्ष उपचारमा र चार वर्ष पुनस्र्थापना केन्द्रमा बिताएका थिए ।