भारतीय दूतावास अगाडि युवा संगठनको विरोध प्रदर्शन

काठमाडौं। राष्ट्रिय प्रजातान्त्रिक युवा संगठनले काठमाडौंको लैनचौरस्थित भारतीय दूतावास अगाडि विरोध प्रदर्शन गरेको छ। भारतको नयाँ संसद भवनमा नेपालको भूमिसमेत समावेश गरिएको नक्शा राखिएको भन्दै विरोधमासो संगठनले शुक्रबार विरोध प्रदर्शन गरेको हो।

भारतले आफ्नो नक्शाबाट नेपाली भूमि नहटाएसम्म आफूहरुको आन्दोलन नरोकिने युवा संगठनका नेता सुदीप फुयाँलले चेतावनी दिए । उनले भने नेपाली भूमि समेटिएको नक्शा भारतको संसद भवनमा राखेपछि त्यसको विरोधमा उत्रनु परेको हाु ।

उनीहरुले प्रधानमन्त्री पुष्पकमल दाहालले भारतसँग नेपाली भूमि फिर्ता लिने विषयमा कुरा समेत नगरेको भन्दै आक्रोश व्यक्त गरेका थिए। नेपालमाथि हेपाहा प्रवृत्ति देखाएको भन्दै विरोध प्रदर्शनमा उत्रिएकाहरुले भारतविरुद्ध चर्का नाराबाजी लगाएका थिए।