बैतेश्वर गाउँपालिकामा सहिद पार्क निर्माण
सुबास बस्नेत २०७८, पुस ५ ११:०५ 
दोलखा । जिल्लाको बैतेश्वर गाउँपालिकाले सहिद पार्क निर्माण गरेको छ । पालिकाले जनआन्दोलनमा सहिद भएका व्यक्तित्वको सम्झनामा पार्क निर्माण गरेको हो । गाउँपालिकाको पालिकाको केन्द्रसँगै सहिद पार्क निर्माण गरेर सहिदको मूर्ति समेत राखेको छ ।
उक्त पार्कको आइतबार बागमती प्रदेशका वन तथा वातावरण मन्त्री विसाल खड्काले उद्घाटन गरेका छन् । कार्यक्रममा मन्त्री खड्काले सहिदहरूको सम्मानमा गाउँपालिकाले पार्क निर्माण गरेर उदाहरणीय कार्य गरेको बताए । यस्तै उनले दोलखाको विकासमा प्रदेश सरकारले महत्वपूर्ण बजेटको व्यवस्थापन गरेर दर्जनौँ योजनाहरू पूरा भएको र बाँकी रहेका विकास निर्माणका काम पनि छिटै पूरा गर्ने बताए । त्यस्तै बैतेश्वर गाउँपालिका अध्यक्ष छवि लामाले पर्यटकको आकर्षणको केन्द्रबिन्दुका रूपमा गाउँपालिकाको केन्द्र रहेको पाँडुडाँडालाई स्थापित गर्न सहिद पार्क निर्माण गरेको बताए । उनका अनुसार आर्थिक वर्ष २०७६/०७७ मा गाउँपालिकाको पाँच लाख र गत आवमा प्रदेश सरकारको २५ लाख अनुदानमा सहिद पार्क निर्माण भएको हो ।
जनयुद्ध र जनआन्दोलनमा ज्यान गुमाउने व्यक्तित्वका सालिक राखेर उनीहरूको सम्मान गर्ने बैतेश्वरवासीको चाहन रहेको हुँदा सहिद पार्क निर्माण गरिएको उनले बताए । साथै उनले गाउँपालिकाले थुप्रै विकास निर्माणका काम गरेको दाबी गरे । बैतेश्वर गाउँपालिलाई पर्यटन पूर्वाधारतर्फ विकास गर्न गाउँपालिका केन्द्रदेखि प्रत्येक वडामा दर्जनौँ पर्यटकीय संरचना निर्माणसम्पन्न भएको उनको भनाइ छ ।
क्याटेगोरी : बिबिध
ताजा अपडेट
- अध्यागमन प्रशासनलाई व्यवस्थित र जिम्मेवार बनाउन अधिकार प्रत्यायोजन
- चार एसएसपीलाई डिआइजीमा बढुवा सिफारिस
- सन्दीपलाई टी-२० विश्वकप खेल्ने टोलीमा समावेश गर्न आईसीसीले दियो अनुमति
- बेनीका विद्यार्थीलाई पढाइसँगै सीप
- भारतमा नरेन्द्र मोदीको लोकप्रियता र ध्रुवीकरणको एक दशक
- अरूको ‘परिचय चोरेर’ उत्तर कोरियालीहरूलाई अमेरिकी कम्पनीमा कसरी दिइयो जागिर
- नेपालको विकासमा रूसको ठूलो सहयोग छ: उपप्रधानमन्त्री श्रेष्ठ
- प्रहरी चौकीसंगै रहेको हनुमानथानबाट हनुमानको मुकुट चोरी !
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया