उता पूर्वमन्त्री खाँण थुनामै, यता उनलाई कांग्रेसको सम्मान
काठमाडौं । नेपाली कांग्रेसका केन्द्रीय सदस्य एवं पूर्व गृहमन्त्री बालकृष्ण खाँण नक्कली भुटानी शरणार्थी प्रकरणमा थुनामा छन् तर यता नेपाली कांग्रेसले उनलाई हिजो(शनिबार) सम्मान गरेको छ । शनिबार बुटबलमा सुरु भएको कांग्रेसको लुम्बिनी प्रदेश समितिको प्रदेश सम्मेलनमा खाँणलाई सम्मान गरिएको हो ।
उक्त सम्मानपत्र लिन बालकृष्णका भाइ जिल्लाका पार्टी सभापति रामकृष्ण खाँणलाई मञ्चमा बोलाइएको थियो । कार्यक्रम सञ्चालक कांग्रेसका लुम्बिनी प्रदेशका महामन्त्री बिक्रम खनालले पूर्वमन्त्री खाँण लुम्बिनी प्रदेशको अभिभावक भएको बताउँदै उनका भाइ रामकृष्णलाई सो सम्मानपत्र ग्रहण गरिदिन मञ्चमा आह्वान गरेका थिए । मञ्चमा उक्लेका रामकृष्ण खाँणलाई कांग्रेस सभापति शेरबहादुर देउवाले सम्मानपत्र प्रदान गरे भने केन्द्रीय सदस्य शेखर कोइरालाले खादा ओढाए ।
उता कार्यक्रममा उपस्थित महामन्त्रीद्वय गगन थापा र विश्वप्रकाश शर्मा, सहमहामन्त्री किशोरसिंह राठौर भने खाँणलाई सम्मान गर्दा बसेको ठाउँबाट उठेर सम्मानको सहमति समेत जनाएनन्, उनीहरु उक्त सम्मानलाई टुलुटुलु हेरेर बसिराखे ।
पूर्वगृहमन्त्री खाँण नक्कली भुटानी शरणार्थी प्रकरणमा पुर्पक्षका लागि थुनामा जाँदा समेत निलम्बन नगरेको नेपाली कांग्रेसले उनलाई सम्मान गर्न थालेको छ । गत बैशाख २७ मा पक्राउ परेका खाँण १ असारमा जिल्ला अदालत, काठमाडौंले खाँणसहित १६ जनालाई पुर्पक्षका लागि थुनामा पठाएको थियो । पुर्पक्षका लागि थुनामा गएपछि साउनमा बसेको केन्द्रीय समिति बैठकमा महामन्त्री गगनकुमार थापासहितका केही नेताले निलम्बनको माग गरेका थिए । पक्राउ गरेसँगै कांग्रेसभित्रैबाट खाँणलाई निलम्बन गर्नुपर्ने आवाज उठेपनि कांग्रेसले निलम्बन गरेन । पक्राउ गरेसँगै कांग्रेसभित्रैबाट खाँणलाई निलम्बन गर्नुपर्ने आवाज उठेपनि निलम्बन नगरेको उनलाई यतिबेला कांग्रेसले सम्मान गरेको छ ।
पुर्पक्षका लागि थुनामा पठाउने आदेशविरुद्ध खाँणले गरेको पुनरावेदन निवेदनमा गत शुक्रबार उच्च अदालत पाटनमा संयुक्त इजलासका न्यायाधीशबीच राय बाझिएर अहिले उनको मुद्दा तेस्रो न्यायाधीशको इजलासमा पुगेको छ । नक्कली भुटानी शरणार्थी प्रकरणमा पूर्वमन्त्री खाँणको विषयलाई लिएर उच्च अदालत पाटनका न्यायाधीशद्वय प्रकाश खरेल र जनक पाण्डेको संयुक्त इजलासमा उक्त राय बाझिएको हो । न्यायाधीश पाण्डेले थुनामा पठाउने जिल्ला अदालत काठमाडौँको आदेश बदर गरी ३० लाख रुपैयाँ धरौटीमा छाड्ने राय दिएका थिए भने न्यायाधीश खरेलले धरौटीमा छाड्न नमिल्ने राय दिएका थिए । सोही विवाद अब तेस्रो न्यायाधीशबाट सुनुवाइ हुनेछ ।
क्याटेगोरी : राजनिति
ताजा अपडेट
- क्यान्सर रोगका क्षेत्रमा नेपालमा सहकार्य गर्दै बैंगलोरको एचसीजी अस्पताल
- सरकारले १३ अर्ब ३३ करोड ऋण स्वीकार गर्ने
- बहाल कर नतिरेपछि दुई कम्प्लेक्सलाई कामपाको पत्राचार
- जलवायु परिवर्तनको असरसँग जुध्न एडिबीले नेपाललाई सहयोग बढाउने
- महाँकालको विकासका योजना नीति तथा कार्यक्रममा समेटिने छन् : प्रधानमन्त्री
- सत्ता गठबन्धन आगामी निर्वाचनसम्म रहन्छ : एमाले नेता भट्टराई
- वेस्ट इन्डिज ‘ए’सँगको अन्तिम खेलमा नेपाल विजयी
- बागलुङमा सुन्तला खेतीप्रति कृषकको आकर्षण
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया