अनुत्पादक क्षेत्रमा बैंकहरूको कर्जा लगानी बढ्यो
व्यक्तिगत आवास र घरजग्गामा मात्र झण्डै छ खर्ब रुपैयाँ कर्जा प्रवाह
काठमाडौं , नेपाल राष्ट्र बैंकले उत्पादनमूलक क्षेत्रतर्फको कर्जा प्रवाहमा जोड दिएको भए पनि अनुत्पादक क्षेत्रमा बैंकहरुको कर्जा लगानी बढेको देखिएको छ । राष्ट्र बैंकका अनुसार अनुत्पादक क्षेत्रको रुपमा लिइँदै आएको व्यक्तिगत आवास अर्थात् होम लोन र घरजग्गा अर्थात् रियल स्टेट क्षेत्रमा मात्र बैंक तथा फाइनान्स कम्पनीहरुले चालू आर्थिक वर्षको साउन मसान्तसम्ममा पाँच खर्ब ८२ अर्ब ८५ करोड २० लाख रुपैयाँ कर्जा प्रवाह गरेका छन् ।
यसरी प्रवाह भएको कुल कर्जामध्ये व्यक्तिगत आवास शीर्षकमा तीन खर्ब ४१ अर्ब ९६ करोड ९० लाख र रियलस्टेट क्षेत्रमा दुई खर्ब ४० अर्ब ८८ करोड ३० लाख रुपैयाँ कर्जा प्रवाह भएको छ । जसमध्ये सञ्चालनमा रहेका २६ वटा वाणिज्य बैंकहरुले होम लोनतर्फ दुई खर्ब ८२ अर्ब सात करोड ४० लाख र रियटस्टेटतर्फ दुई खर्ब ११ अर्ब ५४ करोड २० लाख रुपैयाँ समेत गरी उक्त शीर्षकमा कुल चार खर्ब ९३ अर्ब ६१ करोड ६० लाख रुपैयाँ कर्जा प्रवाह गरेका छन् ।
विकास बैंकहरुले भने यस अवधिमा होमलोनतर्फ ४९ अर्ब १० करोड ९० लाख र रियलस्टेटतर्फ १९ अर्ब ३२ करोड ८० लाख रुपैयाँ समेत गरी कुल ६८ अर्ब ४३ करोड ७० लाख रुपैयाँ कर्जा प्रवाह गरेका छन् । फाइनान्स कम्पनीहरुले भने यस अवधिमा होम लोन शीर्षकमा १० अर्ब ७८ करोड ६० लाख र १० अर्ब एक करोड २० लाख रुपैयाँ समेत गरी कुल २० अर्ब ७७ करोड ८० लाख रुपैयाँ कर्जा प्रवाह गरेका छन् ।
राष्ट्र बैैंकका अनुसार २०७९ साउन मसान्तसम्ममा व्यक्तिगत आवास र रियलस्टेट क्षेत्रमा प्रवाह भएको कर्जा रकम २०७८ साउन मसान्तको तुलनामा ९३ अर्ब ७५ करोड ९० लाख रुपैयाँले बढी हो । उक्त अवधिमा बैंक तथा फाइनान्स कम्पनीहरुले यी दुई शीर्षकमा कुल ४८ खर्ब ९० अर्ब नौ करोड ३० लाख रुपैयाँ कर्जा प्रवाह गरेका थिए ।
जसअन्तर्गत वाणिज्य बैंकहरुले व्यक्तिगत आवास शीर्षकमा दुई खर्ब ४७ अर्ब ८३ करोड ४० लाख र रियलस्टेट क्षेत्रमा एक खर्ब ६५ अर्ब २२ करोड ५० लाख रुपैयाँ गरी कुल चार खर्ब १३ अर्ब पाँच करोड ९० लाख कर्जा प्रवाह गरेका थिए । यसैगरी विकास बैंकहरुले होम लोन शीर्षकमा ४२ अर्ब ३३ करोड ८० लाख र रियलस्टेट क्षेत्रमा १८ अर्ब १६ करोड ५० लाख रुपैयाँ गरी कुल ६० अर्ब ४० करोड ३० लाख रुपैयाँ कर्जा प्रवाह गरेका थिए । राष्ट्र बैंकका अनुसार फाइनान्स कम्पनीहरुले भने उक्त अवधिमा होम लोन शीर्षकमा आठ अर्ब ४५ करोड ४० लाख र घरजग्गामा सात अर्ब सात करोड ८० लाख रुपैयाँ गरी कुल १५ अर्ब ५३ करोड २० लाख रुपैयाँ कर्जा प्रवाह गरेका थिए ।
क्याटेगोरी : समाचार
ताजा अपडेट
- इलाम उपनिर्वाचन : एमाले उम्मेदवार नेम्बाङ मतान्तर बढाउँदै
- बझाङ उपनिर्वाचन : कांग्रेस उम्मेदवार सिंहको अग्रता कायमै
- इलाम उपनिर्वाचन : एमालेका नेम्बाङको अग्रता कायमै
- नेपालमा पेट्रोलियम पदार्थ पत्ता लगाउन अन्तिम चरणको ‘ड्रिलिङ’ गरिँदै, हालसम्मको उपलब्धि के?
- पाँच वर्षपछि नेपालमा लगानी सम्मेलन, प्रधानमन्त्रीले लगानीकर्तालाई देखाएका अवसर कस्ता
- इलाम उपनिर्वाचनः फाकफोकथुम–१,२ , ३ र ४ को मतगणना सकियो
- पहिचानसहितको नागरिकता पाउनुपर्ने यौनिक तथा लैङ्गिक अल्पसङ्ख्यक समुदायको माग
- दोहोरो अंकले उक्लियो सेयर बजार
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया