एउटै गाउँबाट एक करोड १५ लाखको आलु बिक्री
सोलुखुम्बु । दोलखाको बैतेश्वर गाउँपालिका–८ को एवो गाउँबाट वार्षिक एक करोड बढीको आलु उत्पादन तथा निर्यात हुने गरेको छ । कुल एक सय १२ घरधुरी रहेको एवोका सबै स्थानीय आलु खेतीमा संलग्न छन् ।
आलु पकेट क्षेत्रको रूपमा रहेको एवोबाट वार्षिक एक करोड १५ लाख रुपैयाँ बराबरको आलु जिल्ला बाहिर निर्यात हुने गरेको वडाध्यक्ष शान्त जिरेलले बताए । यहाँका किसान यतिबेला आलु खन्ने काममा व्यस्त रहेका छन् । यहाँको किसानको आम्दानीको मुख्य स्रोत नै आलु खेती रहेको स्थानीयको भनाइ छ । भौगोलिक हिसाबले पनि बैतेश्वर गाउँपालिकाकै ठूलो र दुर्गम मानिने एवोका स्थानीयले प्रतिघर न्यूनतम ५० हजारदेखि ४ लाख रुपैयाँसम्मको आलु बिक्री गर्दै आएको जिरेलले बताए । स्थानीय सीता कार्कीले यस वर्ष ८० हजार रुपैयाँ बराबरको आलु बिक्री गरेको बताइन् । उनले गत वर्ष ४० हजार रुपैयाँ बराबरको आलु बिक्री गरेकी थिइन् । यो वर्ष मौसमले साथ दिएका कारण गत वर्षको तुलनामा राम्रो आलु उत्पादन भएकाले आम्दानी पनि बढ्ने उनको अनुमान छ ।
त्यस्तै, सोही गाउँका अर्का स्थानीय कृष्णबहादुर कार्कीले पनि यस वर्ष आलु उत्पादनमा वृद्धि भएको बताए । उनी गाउँमै सबैभन्दा धेरै आलु फलाउने र बिक्री गर्नेमध्येका एक हुन् । उनले गत वर्ष दुई लाख रुपैयाँको आलु उत्पादन गरेर बिक्री गरेका थिए । यस वर्ष पनि उनले तीन लाख ५० हजार रुपैयाँ बराबरको आलु बिक्री गर्ने अनुमान गरेका छन् । गत वर्ष एक करोड बराबरको आलु उत्पादन गरेर दोलखाबाहिर पठाएका यहाँका स्थानीयले यस वर्ष उत्पादन वृद्धि भएकाले डेढ करोड बराबरको आलु निर्यात गर्न सकिने बताएका छन् । कुल एक सय १२ घरमध्ये तीन लाख बढीको आलु उत्पादन गर्ने १२ जना किसान रहेका छन् । त्यस्तै, एक लाखदेखि दुई लाखसम्मको आलु बिक्री गर्ने किसानको संख्या ६० जना रहेको वडाध्यक्ष जिरेल बताए । त्यसैगरी ३० हजारदेखि एक लाखसम्मको आलु बिक्री गर्नेहरू संख्या ३० देखि ३५ जना रहेको वडाध्यक्ष जिरेलको भनाइ छ ।
साउनदेखि भदौसम्म एवोको आलु राजधानी काठमाडौंमा र झापामा निर्यात हुने गरेको स्थानीय आलु व्यवसायी हरिबहादुर कार्कीले बताए । उनले एवोमा उत्पादन भएको आलु संकलन गरी जिल्लाबाहिर निर्यात गर्ने गरेका छन् । यसवर्ष मात्रै करिब १० टन आलु बिक्री गरिसकेको उनले बताए । स्थानीय किसानको बारीमै पुगेर प्रतिकेजी ३० रुपैयाँमा उनले आलु किन्ने गरेका छन् । गाउँमा आफूजस्तै आलु संकलन गरेर बिक्री गर्न लैजाने अन्य थुप्रै व्यवसायी रहेको उनले बताए । दैनिक साना बोलेरोले ५÷७ टिप आलु यहाँबाट बजारमा ओसार्ने गरेको उनले बताए । व्यवसायीले झापा लाने आलु ४० केजीको बोरामा प्याकिङ गरेर लाने गरेका छन् भने काठमाडौंलगायतका बजारमा ५० देखि ६० केजीको बोरामा प्याकिङ गरेर लाने गरेका छन् । एवोबाट मात्रै वार्षिक एक करोड १५ लाखको हाराहारी दोलखाबाहिर आलु निर्यात हुने उनको भनाइ छ ।
क्याटेगोरी : सहकारी–कृषि
ट्याग : #Page 8
ताजा अपडेट
- अध्यागमन प्रशासनलाई व्यवस्थित र जिम्मेवार बनाउन अधिकार प्रत्यायोजन
- चार एसएसपीलाई डिआइजीमा बढुवा सिफारिस
- सन्दीपलाई टी-२० विश्वकप खेल्ने टोलीमा समावेश गर्न आईसीसीले दियो अनुमति
- बेनीका विद्यार्थीलाई पढाइसँगै सीप
- भारतमा नरेन्द्र मोदीको लोकप्रियता र ध्रुवीकरणको एक दशक
- अरूको ‘परिचय चोरेर’ उत्तर कोरियालीहरूलाई अमेरिकी कम्पनीमा कसरी दिइयो जागिर
- नेपालको विकासमा रूसको ठूलो सहयोग छ: उपप्रधानमन्त्री श्रेष्ठ
- प्रहरी चौकीसंगै रहेको हनुमानथानबाट हनुमानको मुकुट चोरी !
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया