जनयुद्धमा आँखा गुमाएका दाहाल व्यावसायिक कृषि खेतीमा व्यस्त
सुबास बस्नेत २०७८, फागुन २७ ११:४० 
दोलखा । तत्कालीन नेकपा माओवादीले गरेको १० वर्षे जनयुद्धमा सशक्त घाइते भएका बैतेश्वर मिर्गेका राजकुमार दाहाल यतिबेला कृषि व्यवसायमा व्यस्त छन् । लामो समय माओवादी पार्टीमा लागेका उनी हाल राजनीति छाडेर व्यावसायिक कृषिमा लागेका हुन् ।
२०५९ सालदेखि माओवादी जनयुद्धमा होमिएका उनको २०६१ सालमा सर्लाहीमा भएको दोहोरो सडक भिडन्तमा दाइने आखाँ फुटेको थियो । साथै देब्रे खुट्टा र देब्रे हातमा गहिरो चोट लागेको उनले बताए । आफ्ना महत्वपूर्ण शरीरका अंगहरू आँखा, हात र खुट्टामा चोट लागेका कारण उनी लामो समय केही आराम गरेर बसेका थिए । शान्ति सम्झौतापछि उनको पार्टी पटक–पटक सरकारमा गयो, पार्टीबाट दुई जना नेता प्रधानमन्त्री समेत बने । तर जनयुद्धका घाइते दाहाललाई न सरकारले सहयोग ग-यो न त पार्टीले नै । घर धान्न नै मुस्किल भएपछि उनी व्यावसायिक खेतीमा लागेका हुन् । उनले तीन वर्षअघिदेखी यस पेसामा लागेको सुनाए । सुरुमा उनले आफ्नो छ रोपनी जग्गामा रुखटमाटर खेती गरेका थिए । टमाटर खेतीबाट राम्रो आम्दानी भएपछि उनले बाख्रापालन पनि गरे । तर बाख्रापालबाट भने उनले सोचेजस्तो आम्दानी लिन नसकेको सुनाए । रोगका कारण बाख्रा मरेर उनलाई लगानी उठाउन नै धौधौ परेको थियो । बाख्राबाट खासै फाइदा नभएपछि उनी बाख्रा पालन छोडेर अहिले टमाटर र अन्य मौसमी तथा बेमौसमी तरकारी खेती गरिरहेका छन् ।
दाहालले सेतिदेवी कृषि फार्म नै दर्ता गरेर अहिले तरकारी खेती गरिरहेका छन् । सुरुमा चार लाख रूपैयाँको लगानी गरेर यस क्षेत्रमा प्रवेश गरेको उनी सुनाउँछन् । टमाटरको मुख्य सिजनमा उनले करिब दुई लाखबराबरको टमाटर मात्रै बिक्री गरेको बताए । त्यस्तै भर्खरै गाउँकै खाली जग्गामा सातवटा टनेल हालेर बेमौसमी तरकारी खेती सुरु गरेको उनले सुनाए । उनले हाल तीन रोपनी जग्गामा रुखटमाटर लागएका छन् ।
दाहालले आफू कृषि खेतीमा लागेर आम्दानी गर्न सफल भए पनि आफूसँगै माओवादी आन्दोलन हिँडेका धेरै घाइतेको अवस्था नाजुक रहेको सुनाए । घाइतेहरूलाई हातमुख जोड्न समस्या पर्दा समेत माओवादीका नेताहरूले चासो नदेखाएको उनले असन्तुष्टि जनाए । माओवादीबाट चुनाव जितेका जनप्रतिनिधिले समेत घाइतहरूको बेवास्ता गरेको उनी सुनाउँछन् । जनप्रतिनिधिले उनीहरूलाई स्वरोजगार बन्न अनुदान दिनुपर्ने उनको भनाइ छ । देशमा गणतन्त्र ल्याउन पटक–पटक यातना खेपेका उनी अहिले भने राजनीतिबाटै टाडा रहेर आफ्नै जन्मथलोमा कृषि व्यवसाय गरी परिवारसँग रमाइरहेका छन् ।
क्याटेगोरी : सहकारी–कृषि
ताजा अपडेट
- अध्यागमन प्रशासनलाई व्यवस्थित र जिम्मेवार बनाउन अधिकार प्रत्यायोजन
- चार एसएसपीलाई डिआइजीमा बढुवा सिफारिस
- सन्दीपलाई टी-२० विश्वकप खेल्ने टोलीमा समावेश गर्न आईसीसीले दियो अनुमति
- बेनीका विद्यार्थीलाई पढाइसँगै सीप
- भारतमा नरेन्द्र मोदीको लोकप्रियता र ध्रुवीकरणको एक दशक
- अरूको ‘परिचय चोरेर’ उत्तर कोरियालीहरूलाई अमेरिकी कम्पनीमा कसरी दिइयो जागिर
- नेपालको विकासमा रूसको ठूलो सहयोग छ: उपप्रधानमन्त्री श्रेष्ठ
- प्रहरी चौकीसंगै रहेको हनुमानथानबाट हनुमानको मुकुट चोरी !
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया