सर्वोच्च अदालतका चार न्यायाधीश सिफारिस

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं । सर्वोच्च अदालतमा चार न्यायाधीश सिफारिस भएका छन् । मंगलबार बसेको न्याय परिषद्को बैठकले सर्वोच्च अदालतमा रिक्त न्यायाधीश पदमा नियुक्तिका लागि उच्च अदालत पोखराका मुख्य न्यायाधीश रत्नबहादुर बागचन्द तथा उच्च अदालतका न्यायाधीशहरू चन्द्रबहादुर सारु, जनक पाण्डे र गोकर्ण डाँगीलाई सिफारिस गरेको हो ।

सर्वोच्च अदालतका न्यायाधीशको नियुक्ति नेपालको संविधानको धारा १२९ बमोजिम न्याय परिषद्को सिफारिसमा संसदीय सुनुवाइ समितिबाट अनुमोदन भएपछि राष्ट्रपतिबाट हुने संवैधानिक व्यवस्था छ ।

संविधानको धारा १२९ को उपधारा (५) मा सर्वोच्च अदालतको न्यायाधीश हुनका लागि नेपालको नागरिक भई कानुनमा स्नातक उपाधि प्राप्त गरेको र देहायमध्ये कुनै एक क्षेत्रको अनुभव भएको हुनुपर्ने व्यवस्था छ ।

त्यस्तै, उच्च अदालतको मुख्य न्यायाधीश वा न्यायाधीश पदमा कम्तीमा पाँच वर्ष काम गरेको, वरिष्ठ अधिवक्ता वा अधिवक्ताको हैसियतमा कम्तीमा १५ वर्ष निरन्तर वकालत गरेको, न्याय वा कानुनको क्षेत्रमा निरन्तर काम गरी विशिष्ट कानुनविद्का रूपमा ख्याति प्राप्त गरेको वा न्याय सेवाको राजपत्राङ्कित प्रथम श्रेणी (सहसचिव) वा सोभन्दा माथिल्लो पदमा कम्तीमा १२ वर्ष काम गरेको योग्यता हुनुपर्ने व्यवस्था छ ।