डिसहोमले टी–२० विश्वकप छनोटमा एक सय रन बनाउनेलाई १० लाख दिने

काठमाडौं । डिसहोम फाइबर नेटले टी–२० विश्वकपको एसिया छनोटमा नेपाली खेलाडीका लागि नगद पुरस्कार घोषणा गरेको छ । डिसहोम फाइबरनेटले टी–२० विश्वकप छनौटको प्रत्येक खेलमा नेपालका खेलाडीहरूले एक सय रन बनाएका १० लाख दिने घोषणा गरेको हो ।

यस्तै एकै खेलमा एक सय रन र पाँच विकेट लिने खेलाडीलाई २० लाख दिने डिसहोम फाइबर नेटले जनाएको छ । यस्तै पाँच विकेट लिएमा पाँच लाख रूपैयाँ, ५० रन बनाएमा एक लाख रूपैयाँ, तीन विकेट लिएमा एक लाख रूपैयाँ, ३५ रन बनाएमा ५० हजार रूपैयाँ र बल क्याच तथा स्टम्पपिङ्स गरेमा ५० हजार रूपैयाँ पुरस्कार दिने घोषणा गरेको हो ।