आज १४ अर्ब रुपैयाँको ट्रेजरी बिक्री गर्दै राष्ट्र बैंक

काठमाडौं, पुस २८
नेपाल राष्ट्र बैंकले आज सोमबार १४ अर्ब रुपैयाँको बराबरको ट्रेजरी बिल बिक्री गर्ने भएको छ । राष्ट्र बैंकका अनुसार अपराह्न २ बजेसम्म उक्त परिमाणमा ट्रेजरी बिल बिक्री गर्न लागिएको हो । जारी मिति यही पुस २९ गते तोकिएको ट्रेजरी खरिदको लागि वाणिज्य बैंक, विकास बैंक र फाइनान्स कम्पनीहरुले भाग लिन पाउनेछन् । बिक्री गरिने कुुल ट्रेजरीमध्येमा ९१ दिने अवधिको आठ अर्ब र एक सय ८२ दिने अवधिको छ अर्ब रुपैयाँको रहेको छ । सोमध्ये ९१ दिने अवधिको ट्रेजरीको परिपक्व हुुने अवधि २०७७ वैशाख २ गते र एक सय ८२ दिने अवधिको ट्रेजरीको परिपक्व हुुने अवधि वि.सं. २०७७ असार ३० गते रहेको छ । यसअघि यही पुस २१ गते पनि राष्ट्र बैंकले ९१ दिने अवधिको १० करोड रुपैयाँको ट्रेजरी बिक्री गरेको थियो ।