अभिमान सिंह फाउन्डेसनले सातवटै प्रदेशमा दुई सय बेडको अस्पताल स्थापना गर्ने
काठमाडौं ।
अभिमान सिंह फाउन्डेसनले गरिब, असहायहरूको उपचारको लागि सातवटै प्रदेशमा दुई सय बेड क्षमताको अभिमान सिंह सामुदायिक अस्पताल निर्माण गर्ने घोषणा गरेको छ । त्यस्तै, काठमाडौंको टोखामा भने आगामी एक महिनाभित्रै सञ्चालनमा ल्याउने गरी अक्सिजन प्लान्ट स्थापना गर्ने पनि फाउन्डेसनले जनाएको छ ।
फाउन्डेसनले सातवटै प्रदेशमा अस्पताल र अक्सिजन प्लान्ट स्थापना गर्नको लागि करिब पाँच अर्ब ३८ करोडको लागत अनुमान गरिएको जनाएको छ । अस्पताल निर्माण कार्य सुरु गर्नको लागि कम्तीमा पनि एक वर्ष समय लाग्ने संस्थाले जनाएको छ । तर, अक्सिजन प्लान्ट भने एक महिनाभित्रै सुरु गरिने जनाइएको छ ।
कोभिड महामारीको दोस्रो लहरमा अक्सिजनको चरम अभावका कारण धेरैले ज्यान गुमाउनुपरेको भन्दै अब अक्सिजनको अभावमा कोही पनि नेपालीले ज्यान गुमाउन नपरोस भनेर तत्काल काठमाडौँको टोखा नगरपालिका, वडा नम्बर ३ टोखामा अभिमान सिंह मेडिकल अक्सिजन उद्योग सञ्चालन गर्ने संस्थाले जनाएको छ । उक्त उद्योगबाट उत्पादित अक्सिजन भने सुस्त मनस्थिति, अपाङ्गता भएकाहरू, गरिब, कृषक परिवारलगायत लक्षित वर्गहरूलाई निःशुल्क वितरण गर्ने मंगलबार रिपोटर्स क्लबमा पत्रकार सम्मेलन गरी संस्थाले जानकारी दिएको हो ।
फाउन्डेसनका सञ्चालक रविन्द्र दाहालले सातवटै प्रदेशमा निर्माण गरिने अस्पतालको लागि र अक्सिजन उद्योग सञ्चालनको लागि भारतको आरटीआई पब्लिक च्यारिटी ट्रस्टले भने एक अर्ब ६० करोड दिने प्रतिबद्धता जनाएको जानकारी दिए ।
फाउन्डेसनका संस्थापक अध्यक्ष सुदिपमान सिंह बस्नेतले प्रदेश न १ मा मोरङ, प्रदेश न.२ मा सिराहा, वाग्मती प्रदेशमा काठमाडौँ, गण्डकी प्रदेशमा स्याङ्जा, लुम्बिनी प्रदेशमा दाङ, कर्णाली प्रदेशमा सुर्खेत र सुदूरपश्चिम प्रदेशमा कैलालीमा अक्सिजन उद्योग स्थापना गर्न लागेको जानकारी दिए । उनले अन्तर्राष्ट्रियस्तरमा युवाहरू खडा गरेर संगठन बनाउने योजना रहेको पनि बताए ।
त्यस्तै, कोरिया–नेपालमैत्री समाजको संयोजक जगदिश महरले हाल अक्सिजन उद्योग काठमाडौंको टोखा नगरपालिका वडा ३ मा सञ्चालनको तयारी गरेको बताए । उनले १० वर्षभित्र ७ प्रदेशमा अस्पताल निर्माण गर्ने तयारी गरिरहेको जानकारी दिए । उनले भने, ‘लक्षित वर्गहरूलाई अस्पतालबाट सुलभ र शल्यक्रियाको चार्जमा निःशुल्क उपचार गर्नेछौँ ।’ फाउन्डेसनकी कोषाध्यक्ष लक्ष्मी अधिकारीले श्रमिक भिषामा विदेश गएका, अपाङ्गता, अशक्त परिवारलाई अक्सिजन प्लान्ट तयार गरेर आवश्यकतानुसार अक्सिजन दिने बताइन् ।
संस्थाले युवाहरूलाई लागुऔषध दुर्व्यसनमा नलाग्नका लागि चेतनामूलक कार्यक्रमहरू गर्दै आएको छ । फाउन्डेसनको सामुदायिक अस्पतालको निर्माण गरी पछाडि परेका समुदाय, वर्ग तथा सामुदायिक हस्पिटल सञ्चालन गरी पछाडि परेका समुदाय, वर्ग तथा जातजातिहरूको स्वास्थ्यको स्तरमा वृद्धि गर्ने उद्देश्य रहेको छ । साथै संस्थाले पछाडि परेका समुदाय, वर्ग तथा जातजातिको स्वास्थ्यको स्तरमा वृद्धि गर्न सकेसम्म निःशुल्क वा कमभन्दा कम शुल्कमा छिटो र स्तरिय मेडिकल अक्सिजनको आपूर्ति गर्ने लक्ष्य राखेको छ ।
क्याटेगोरी : समाचार
ताजा अपडेट
- अमेरिकालाई ‘सीमा’ ननाघ्न चीनको चेतावनी
- शान्तिपूर्ण रूपमा इलाम–२ मा मतदान सुरु
- सुदूरपश्चिम, गण्डकी र कोशी प्रदेशका केही स्थानमा हुरीबतासको चेतावनी
- आज इलाम र बझाङमा उपनिर्वाचन
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया