Techie IT
×
गृहपृष्ठbreakingगभर्नर अधिकारीले भने, ‘सेयर धितो कर्जामा लगाइएको क्याप असल नियतले हो’

गभर्नर अधिकारीले भने, ‘सेयर धितो कर्जामा लगाइएको क्याप असल नियतले हो’


काठमाडौं । नेपाल राष्ट्र बैंकका गभर्नर महाप्रसाद अधिकारीले सेयर धितो कर्जामा लगाइएको क्याप असल नियतले आएको बताएका छन् । नेपाल राष्ट्र बैंक अहिले चालू आर्थिक वर्षको मौद्रिक नीतिको त्रैमासिक समीक्षा प्रस्तुत गर्ने तयारीमा रहेको र यो समीक्षामार्फत सेयर धितो कर्जामा गरिएको कडाइलाई खुकुुलो गर्ने आकलन आम लगानीकर्ताहरुले गरेका थिए ।

तर यहीबीचमा नेपाल आर्थिक पत्रकार समाज (सेजन) ले सोमबार गरेको अर्थसंवाद कार्यक्रममा बोल्दै गभर्नर अधिकारीले सेयर धितो कर्जामा गरिएको कडाइलाई निरन्तरता दिने संकेत गरेका हुुन् । अहिले पनि सेयरबजारबाट फाइदा उठाउने समूह भनेको निश्चित रहेको र यही समूहले मात्र फाइदा उठाएको भन्दै गभर्नर अधिकारीले यसलाई करेक्सन गर्नकै लागि सेयर धितो कर्जा अर्थात् मार्जिन लेन्डिङमा चारदेखि १२ करोड रुपैयाँसम्मको सीमा तोकिएको उनले बताए ।

नेपालको सेयरबजारबाट केही सीमित व्यक्तिहरुले मात्र फाइदा उठाएको भन्दै अब साना लगानीकर्ताहरुले पनि सेयर धितो राखेर ऋण लिनसक्ने विषयमा राष्ट्र बैंकले अध्ययन गरिरहेको र यसलाई छिट्टै कार्यान्वयनमा ल्याउने उनले बताए ।


क्याटेगोरी : breaking, समाचार

तपाईको प्रतिक्रिया