राष्ट्र बैंकद्वारा सुनको दैनिक आयात १० किलोमा सीमित राख्न निर्देशन
सुनचाँदी धितोमा प्रवाह भएको कुल कर्जा ४७ अर्ब १८ करोड रुपैयाँ नाघ्यो
काठमाडौं । अत्यावश्यकबाहेकका अन्य वस्तुको आयातमा कडाइ गर्ने नीति लिएको नेपाल राष्ट्र बैंकले सुनको दैनिक आयात कोटामा पनि कटौती गरेको छ । राष्ट्र बैंकले आइतबार वाणिज्य बैंक, राष्ट्रियस्तरका सबै विकास बैंक र अन्य निकायहरुको नाउँमा समेत परिपत्र जारी गर्दै सुनको दैनिक आयातलाई हालको लागि १० किलोमा सीमित राख्न निर्देशन दिएको हो ।
यसअघि सुनको दैनिक आयात कोटा २० किलो थियो । तर पछिल्लो समय आयात बढेपछि विदेशी मुद्राको सञ्चिति घट्दै गएकाले पनि राष्ट्र बैंकले आयातलाई कडाइ गर्दै आएको हो । सोहीअनुरुप हालको लागि सुनको दैनिक आयात कोटालाई १० किलोमा सीमित राखिएको राष्ट्र बैंकको भनाइ छ । विदेशी विनिमय नियमित गर्न इजाजतपत्रप्राप्त निकायलाई जारी गरिएको एकीकृत परिपत्र २०७८ मा संशोधन गर्दै विदेशी विनिमय (नियमित गर्ने) २०१९ को दफा १२ ले दिएको अधिकार प्रयोग गरी सुनको दैनिक आयात कोटामा कटौती गरिएको सुन आयातको सम्बन्धमा आइतबार जारी भएको परिपत्रमा उल्लेख छ ।
यसैबीच बैंक तथा वित्तीय संस्थाहरुको निक्षेप संकलन तथा कर्जा प्रवाहसम्बन्धी राष्ट्र बैंकको पछिल्लो प्रतिवेदनअनुसार बैंक तथा फाइनान्स कम्पनीहरुले सुनचाँदी धितोमा ४७ अर्ब १८ करोड ३० लाख रुपैयाँ कर्जा प्रवाह गरेको देखिएको छ । राष्ट्र बैंकका अनुसार चालू आर्थिक वर्षको पछिल्लो छ महिनाको अवधिमा सञ्चालनमा रहेका २७ वटा वाणिज्य बैंक, क्षेत्रीय तथा राष्ट्रियस्तरका समेत गरी १७ वटा विकास बैंक र १७ वटा फाइनान्स कम्पनीसहितका ६१ वटा संस्थाहरुले सुनचाँँदी धितोमा मात्र झण्डै ५० अर्ब रुपैयाँ कर्जा प्रवाह गरेका हुन् । यसरी प्रवाह भएको कुल कर्जा रकममध्ये वाणिज्य बैंकहरुले मात्र सुनचाँदी धितोमा प्रवाह गरेको कर्जा रकम भने ४२ अर्ब ५७ करोड ८० लाख रुपैयाँ छ ।
यस अवधिमा विकास बैंकहरुले भने सुनचाँदी धितोमा तीन अर्ब ६६ करोड २० लाख रुपैयाँ कर्जा प्रवाह गरेका छन् भने फाइनान्स कम्पनीहरुको यस्तो कर्जा रकम ९४ करोड ३० लाख रुपैयाँ छ । राष्ट्र बैंकका अनुसार यस अवधिमा बैंक तथा फाइनान्स कम्पनीहरुको कुल निक्षेप तथा कर्जा रकम भने क्रमशः ४९ खर्ब चार अर्ब ७२ करोड ६० लाख र ४६ खर्ब ७५ अर्ब ८१ करोड ७० लाख रुपैयाँ छ । यसमध्ये वाणिज्य बैंकहरुको मात्र कुल निक्षेप तथा कर्जा रकम क्रमशः ४३ खर्ब २५ अर्ब ५८ करोड ४० लाख र ४१ खर्ब ५० अर्ब ३७ करोड २० लाख रुपैयाँ छ । यस अवधिमा विकास बैंकहरुको कुल निक्षेप तथा कर्जा रकम भने क्रमशः चार खर्ब ८३ अर्ब ५२ करोड ७० लाख र चार खर्ब ३८ अर्ब ३७ करोड २० लाख रुपैयाँ छ ।
राष्ट्र बैंकका अनुसार फाइनान्स कम्पनीहरुले भने चालू आर्थिक वर्षको पछिल्लो छ महिनाको अवधिमा ९५ अर्ब ६१ करोड ५० लाख रुपैयाँ निक्षेप संकलन गरी ८७ अर्ब सात करोड ३० लाख रुपैयाँ कर्जा प्रवाह गरेका छन् ।
क्याटेगोरी : समाचार
ताजा अपडेट
- अमेरिकालाई ‘सीमा’ ननाघ्न चीनको चेतावनी
- शान्तिपूर्ण रूपमा इलाम–२ मा मतदान सुरु
- सुदूरपश्चिम, गण्डकी र कोशी प्रदेशका केही स्थानमा हुरीबतासको चेतावनी
- आज इलाम र बझाङमा उपनिर्वाचन
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया