काठमाडौं । नेपाल वनस्पति घ्यू तेल उत्पादक संघले खाने तेलमा लगाइएको भन्सार महसुल छुट गर्न माग गरेको छ । भन्सार महसुल छुट गरेर जनतालाई राहत दिनुपर्ने संघको भनाइ छ ।
संघले आइतबार पत्रकार सम्मेलन गर्दै छिमेकी मुलुक भारतले उच्च महँगीको चापबाट उपभोक्तालाई राहत दिनका लागि खानेतेलको भन्सार महसुल शून्य प्रतिशतमा झारेको उल्लेख गर्दै नेपाल सरकारले पनि सोही नीतिलाई अवलम्बन गर्नुपर्ने बताएको हो । संघका अध्यक्ष सन्दीपकुमार अग्रवालले चालू आर्थिक वर्षको वैशाख मसान्तसम्म ८७ अर्ब ६० करोड रूपैयाँबराबरको वनस्पति तेल भारत निकासी भएको जानकारी दिँदै भारतले भन्सार महसुल शून्यमा झार्दा नेपालको निकासीमा कमी आउने बताए । भन्सार महसुलका कारण नेपालको तेल उत्पादन महँगो पर्ने भएकाले नेपाल–भारत खुला सिमानाबाट अनधिकृतरूपमा सस्तो मूल्यमा भारतीय तेल चोरी पैठारी भई नेपाल भित्रिने गरेको उनले बताए । यसबाट राजस्वमा ह्रास आउने उनको भनाइ छ । उनका अनुसार हाल नेपालमा तीन लाख टन तेल खपत हुँदै आएको छ ।
नेपाल उद्योग वाणिज्य महासंघका अध्यक्ष शेखर गोल्छाले कच्चापदार्थमा लगाइएको भन्सार महसुल शून्यमा झार्नुपर्ने बताए । ‘भन्सार महसुलका कारण हरेक सामग्री महँगो पर्दैै गएको अवस्था छ, यसप्रति सरकारले पुनर्विचार गर्नुपर्छ’, उनले भने । नेपालमा उद्योग सञ्चालनका लागि जग्गा प्राप्तिदेखि अन्य धेरै समस्या रहेको भन्दै उनले सरकारले हाल ल्याएको नयाँ व्यवस्थाले नेपालका उद्योग सफ्टमा पर्नसक्ने बताए । नेपाल उद्योग परिसंघका उपाध्यक्ष राजेशकुमार अग्रवालले सरकारले एउटा उद्योगको संरक्षण गर्दा अर्को उद्योगलाई समस्या पार्ने नीति ल्याउन नहुने बताए ।
सरकारले जनतालाई सहुलियत दिने नीति लिनुपर्नेमा उनले जोड दिए । उपाध्यक्ष अग्रवालले स्वदेशी उद्योग प्रोत्साहनका लागि सरकारले विशेष कदम चाल्नुपर्ने धारणा राखे । विसं २०४८ मा स्थापना भएको नेपाल वनस्पति घ्यू तेल उत्पादक संघअन्तर्गत हाल २२ उद्योग सञ्चालित छन् । तीन उद्योग सञ्चालनका क्रममा रहेको संघले जनाएको छ । झन्डै एक खर्ब रूपैयाँ लगानी रहेको उक्त क्षेत्रमा १५ हजारभन्दा बढी व्यक्ति कार्यरत छन् ।
क्याटेगोरी : समाचार
ताजा अपडेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया