काठमाडौं । लालीगुराँस बचत तथा ऋण सहकारी संस्था लि.मा चरम आर्थिक संकट सुरु भएको छ । संस्थामा सेयर सदस्यहरुले गरेको बचत सञ्चालकहरुले आफू खुसी आ–आफ्नो व्यक्तिगत आयआर्जनका कार्यमा लगानी गरेका थिए र केही रकम कर्जामा लगानी गरेका थिए । सञ्चालकहरुले आफू र आफन्तका नाममा गरेका लगानी फिर्ता हुने अवस्था नहुँदा लालीगुराँस सहकारीले बचतकर्ताले मुद्दती बचतमा राखेको रकम निकाल्ने समय परिपक्क भइसक्दा पनि फिर्ता गर्नसकेका छैनन् ।
लालीगुराँस सहकारीमा बचत गरेको रकम फिर्ता माग्ने बचतकर्ताहरुको ताँती लागेको छ तर बचतकर्ताहरुको रकम फिर्ता गर्न नसकेर लालीगुराँस सहकारीका सञ्चालकहरु उनीहरुसँग भागीभागी हिँड्ने गरेका छन् ।
बचतकर्ताहरुको रकम फिर्ता नगरी सञ्चालकहरु भागीभागी हिँड्ने गरेको लालीगुराँस सहकारी काठमाडौंको ठूला सहकारीमध्येको एक हो । विघटित गोर्खा विकास बैंकका डीबी बम्जनका नातेदार धनबहादुर तामाङ अध्यक्ष रहेको लालीगुराँस सहकारीमा स्रोत नखुलेको धनको कारोबार बढी हुने गरेको पाइएको छ ।
बचतकर्ताहरुले बचत रकम फिर्ता मागेपछि रकम फिर्ता गर्न नसकेर भाग्दै आएका सञ्चालकले बचतकर्ताहरुलाई चितवन, भक्तपुर, काभ्रेलगायतका क्षेत्रका जमिन दिने सन्देश पठाउने गरेका छन् र त्यो पनि एक करोड रुपैयाँ बचत गरेका बचतकर्तालाई आफैँले मूल्य तोकेर महंगोमा जग्गा भिडाउने र जबर्जस्ती थप रकम असुल्ने प्रपञ्च रचिरहेका भए पनि बचतकर्ताहरुले त्यस्तो जमिन लिन अस्वीकार गर्दै आएका छन् । लालीगुराँसका सञ्चालकहरुले चार अर्बभन्दा बढी रकम अपचलन गरेको पीडितहरुले बताउने गरेका छन् ।
क्याटेगोरी : समाचार
ताजा अपडेट
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया