सोमबार रास्वपाको केन्द्रीय कार्यसमिति र संसदीय दलको बैठक बस्ने

काठमाडौं । भोलि सोमबार राष्ट्रिय स्वतन्त्र पार्टी को केन्द्रीय कार्यसमिति र संसदीय दलको बैठक बस्ने भएको छ । शनिबार पार्टी उपसभापति डोलप्रसाद अर्यालले संसदीय दलको नेताबाट राजीनामा दिए पछि रिक्त स्थान पूर्तिका लागि संसदीय दलको बैठक बस्ने तय गरिएको हो ।

पछिल्लो राजनीतिक परिस्थितिबारे पार्टीको धारणा तय गर्न केन्द्रीय समितिको बैठक पनि आह्वान गरिएको सो पार्टीले जनाएको छ । सोमबार बिहान ११ बजे केन्द्रीय समितिको बैठक र दिउँसो ३ बजे संसदीय दलको बैठक बोलाइएको पार्टी उपसभापति डोलप्रसाल अर्यालले जानकारी दिए ।