बाँके ।
नरैनापुर गाउँपालिकामा रहेकोे सदावहार सामुदायिक वन उपभोक्ता समूह खोदावामा नया कार्यसमिति चयन भएको छ । नरैनापुरमा भएको निर्वाचनमा वन्दना सिंहको नेतृत्वमा १७ सदस्यीय नयाँ कार्यसमिति निर्वाचित भएको निर्वाचन अधिकृत तथा नरैनापुर गाउँपालिकाका सूचना अधिकारी लक्ष्मीकान्त मिश्रले बताए । निर्वाचनमा अध्यक्षमा वन्दना सिंह, कोषाध्यक्षमा जगराना यादव तथा सचिव पदमा अभिमन्यु सिंह विजयी भएका हुन् ।
यस्तै समितिको उपाध्यक्षमा चित्र कुमारी परियार, सहसचिवमा मनमाया परियार, सदस्यहरूमा रूक्साना पठानिन, जदुरा लोधिन, केवलराम यादव, धनीराम यादव, रामकिशोर शर्मा, खलिल खां, मन्शा राम कहार, निफ खान, परसु पासी, विमला तमोली, रामकिशोर यादव, प्रमोद कुमार सिहं निर्विरोध निर्वाचित भएका छन् । अध्यक्ष, कोषाध्यक्ष तथा सचिव पदको लागि भएको निर्वाचनमा अध्यक्ष पदका अर्का उम्मेदवार नन्कु अहिरले ९७, विजयी भएकी अध्यक्ष पदमा वन्दना सिंह १ सय ७७ मत, कोषाध्यक्ष पदकी अर्को उम्मेदवार नन्का कुम्हािरन ६२ मत, विजयी भएकी कोषाध्यक्ष जगराना यादव १ सय ८० मत तथा सचिव पदको अर्को उम्मेदवार रिना देवी मिश्र १ सय ७ मत, सचिव पदमा विजयी भएको अभिमन्यु सिंहले १ सय ५० मत प्राप्त गरेका थिए ।
निर्वाचनपछि नवनिर्वाचित पदाधिकारीहरूलाई गाउँपालिकामा शपथग्रहण र प्रमाणपत्र प्रदान गरिएको थियो । शपथग्रहण कार्यक्रमलाई सम्बोधन गर्दै प्रमुख अतिथि तथा गाउँपालिका प्रमुख इस्तियाक अहमद शाहले नयाँ ऊर्जा र जोश जाँगरका साथ काम गर्न नवनिर्वाचित पदाधिकारीहरूलाई आग्रह गरे । अहिलेको कार्यसमितिमा महिलाहरूको प्रतिनिधित्व धेरै भएकोले सामुदायिक वनले महिला हकहित र सशक्तीकरणमा बढी जोड दिन आग्रह गरे । सामुदायिक वनमा हुने अनियमितता अवैध फडानी र चोरी निकासीलाई नियन्त्रण गर्दै सामाजिक कार्यमा पनि योगदान दिनुपर्नेमा गाउँपालिका प्रमुख शाहले जोड दिए ।
क्याटेगोरी : बिबिध
ताजा अपडेट
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया