दोलखा, मंसिर १९
पछिल्लो समय दोलखाको अधिकांश ठाउँमा अकबरे खोर्सानीको खेती व्यावसायिक बन्दै गएको छ । जिल्लाको विभिन्न भेगमा विभिन्न जातको अकबरे खोर्सानी खेती गर्ने कृषकहरू बढेका छन् । दोलखाका उच्च भू–भागबाहेक अन्यत्र प्रायः सबैतिर घरायसी प्रयोजनका लागि खेती गरिने अकबरे खुर्सानीको खेती उच्च पहाडदेखि गर्मी हावापानीमा समेत गर्न सकिने भएपछि यो खेतीमा कृषकको रुचि बढेको हो ।
कृषकले धेरै ठाउँ खेती गरेको देखेर कतिपय स्थानीय सरकार र गाउँटोलमा खुलेका कृषि सहकारी र गैरसरकारी संस्थाले यो खेतीमा लगानी गरिरहेको शैलुङ–४ कृषि प्राविधिक प्रकाश थापाले बताए । साविकको कृषि विकास कार्यालय चरिकोटले केही समय अगाडि सार्वजनिक गरेको तथ्यांकअनुसार जिल्लामा करिब १० देखि १५ टनसम्म अकबरे खुर्सानी उत्पादन हुने गरेको छ ।
जिल्लाको भीमेश्वर नगरपालिका, बैतेश्वर गाउँपाकिका, तामाकोशी गाउँपालिका, शैलुङ, कालिञ्चोक, जिरी गौरीशंकरको तल्लो भागमा यो खेती हुँदै आएको छ । भिमेश्वर नगरपालिका–६ स्थित भीमेश्वर अर्गानिक एग्रिकल्चर एन्ड रिसर्च प्रालिले हाल सय रोपनी क्षेत्रफलमा खुर्सानी, किवी, एभोकाडो, रुद्राक्षलगायत फलफूल तथा विभिन्न तरकारीको अर्गानिक खेती गरिरहेको छ ।
कृषि प्राविधिकका अनुसार रातो भइन्जेल अकबरे खुर्सानीबोटमा राख्दा कीराको संक्रमण बढ्ने तर हरियोमा टिप्दा भने कीराले खासै दुःख नदिने हुन्छ । उत्पादन पनि छिट्टै हुने हुँदा हरियो अकबरेको व्यवस्थितरूपमा निकासी गर्न सके किसानलाई ठूलो लाभ मिल्न सक्ने कृषि प्राविधिकको भनाइ छ ।
क्याटेगोरी : सहकारी–कृषि
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया