‘अरबान्स नेपाल’को स्थानीय घर सेवा एप सार्वजनिक
काठमाडौं, पुस १४
‘अरबान्स नेपाल’ले नेपालमै पहिलो लोकल होम सर्भिस एप लन्च गरेको छ । शुक्रबार काठमाडौँको होटल सोल्टीमा आयोजित एक कार्यक्रममा उक्त एप लन्च गरिएको हो । विशेष गरी दैनिक जीवनमा घर तथा कार्यालयमा हुने मर्मतसम्भारको समस्याहरुलाई मध्यनजर गर्दै यो एप लन्च गरिएको हो ।
‘अरबान्स् नेपाल’ एउटा यस्तो एप हो जसमार्फत उपभोक्ताले आफूलाई चाहिएको दैनिक सेवाको लागि दक्ष कामदार हायर गर्न सक्नेछ, जसले सहुलियत र १५ दिनको ग्यारेन्टीका साथ सेवासुविधा उपलब्ध गराउनेछ । आफूले खोजेको बेला समाधान गर्ने व्यक्ति नपाउने कारणलाई विशेष महत्व राख्दै, अब अनलाइनबाटै हरेक सुविधाहरु १ क्लिकमा नै घर आँगन अगाडि प्लान लिई अरबान्स् नेपाल बजारमा पाइला चालेको दाबी आयोजकले गरेको छ ।
कार्यक्रममा अरबान्स नेपालका सीईओ तथा संस्थापक सविल खानले स्वदेशमै रोजगारीको माहोल बनाउँछु भन्ने नाराका साथ आफूहरुले यो एप लन्च गरेको जानकारी दिए । खानले भने, ‘दैनिक एक हजार दुई सय भन्दा बढि युवा खाडी मुलुकमा कामको सिलसिलामा पलायन हुनुपर्ने अवस्था छ । जसमध्ये ७० भन्दा बढि नेपाली रातो बाकसमा मुत्युकको रुपमा फर्किन्छन् ।’
उनले नेपालमा चाहिने सुविधाको माग छ भनेर सीटीईभीटीबाट हजारौँ दक्ष कामदारहरु दीक्षित भएर निस्किने उल्लेख गर्दै देशमै रोजगारको प्लेटफर्म बनाउनुपर्ने बताए । उनले भने, ‘किन परिवारको साथ छोडेर अर्काको देशको ४० डिग्री घाममा आफनो पसिना बगाउने र ज्यान जोखिममा हाल्ने ?’ खानले अरबान नेपाल त्यो प्लेटफर्म बनिसकेको दाबी पनि गरे । टुटलको जस्तै कमिसन मोडलमा आफू आफ्नै मालिकजस्तै काम गर्ने विकल्प आफैँ छान्ने सिस्टम बनाइएको बताए । जसले गर्दा बिचौली तथा दलालहरुले कुनै पनि मौका नपाउने उनको भनाइ छ ।
उक्त कार्यक्रमको पूर्वसन्ध्यामा अरबान्स् नेपालले ‘युथ माइग्रेशन एण्ड इट्स् इम्प्याक्ट इन द इन्टरप्रिनरशिप कल्चर इन नेपाल’ विषयक प्यानल डिसकसन पनि गरेको थियो । उक्त प्यानल डिस्कसनमा चौधरी ग्रुपका एक्जुकेटिभ डाइरेक्टर करुण चौधरी, ल्याटिडो लेदरका सञ्चालक विलाल अहमेद साह, टुटलका को–फाउण्डर सिक्सिड भट्टसँगै प्रोपर्टी ३६० डिग्रीका सञ्चालक सन्तोष प्रधानले टिप्पणी गरेका थिए भने क्लियर भिजनकी प्रकृति भट्टराई बस्नेत मोडरेटर बनेकी थिइन् । साथै अरबान्स् नेपालले नेपालमै बसेर केही गर्न खोज्ने युवाहरुलाई लक्षित गरेर ‘नेपालीले नेपालकै लागि गर्छ’ भन्ने नारा लिएको युट्यूवमा क्याम्पेन गर्न लागेको पनि जानकारी दिएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- ट्रयाक्टर दुर्घटना हुँदा दुईजनाको मृत्यु, दुई घाइते
- क्यान्सर रोगका क्षेत्रमा नेपालमा सहकार्य गर्दै बैंगलोरको एचसीजी अस्पताल
- सरकारले १३ अर्ब ३३ करोड ऋण स्वीकार गर्ने
- बहाल कर नतिरेपछि दुई कम्प्लेक्सलाई कामपाको पत्राचार
- जलवायु परिवर्तनको असरसँग जुध्न एडिबीले नेपाललाई सहयोग बढाउने
- महाँकालको विकासका योजना नीति तथा कार्यक्रममा समेटिने छन् : प्रधानमन्त्री
- सत्ता गठबन्धन आगामी निर्वाचनसम्म रहन्छ : एमाले नेता भट्टराई
- वेस्ट इन्डिज ‘ए’सँगको अन्तिम खेलमा नेपाल विजयी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया