सानो पाइलाद्वारा विपन्न बालबालिकालाई छात्रवृत्ति प्रदान
काठमाडौं ।
सानो पाइलाले आफ्नो चौधौँ वार्षिकोत्सवको अवसर पारेर वीरगञ्ज मुर्लीका ३० बालबालिकालाई छात्रवृत्ति प्रदान गरेको छ । सामुदायिक संस्था सानो पाइलाको १५औँ वर्ष प्रवेशको अवसरमा बिहीबार वीरगन्जमा आयोजित समारोहमा मुर्लीका विपन्न परिवारका बालबालिकालाई छात्रवृत्ति प्रदान गरिएको हो ।
पूर्वमन्त्री एवम् नेपाली कांग्रेसका केन्द्रीय सदस्य अजय चौरसियाले बालबालिकाहरूलाई छात्रवृत्ति हस्तान्तरण गरेका थिए । कार्यक्रममा चौरसियाले कोभिड १९ महामारीको समयमा तीनै तहका सरकार अलमलमा परिरहँदा सानो पाइलाले तदारुकताका साथ उदाहरणीय काम गरेको भन्दै प्रशंसा समेत गरे । कोभिडले निम्त्याएको असहज अवस्थामा अप्ठ्यारोमा परेकाहरूलाई भोजन खुवाउने, संक्रमितहरूलाई राख्न आइसोलेसनको प्रबन्ध गर्ने, स्वास्थ्य संस्थालाई मेडिकल सामग्री उपलब्ध गराउने र स्वास्थ्यसम्बन्धी परामर्श दिने सानो पाइलाको काम उदाहरणीय भएको उनले बताए ।
नेपाली कांग्रेस पर्साका सभापति एवम् पूर्वसभासद अजय द्विवेदीले कोभिड–१९ महामारीविरुद्धको लडाइँमा सानो पाइलाले उल्लेख्य काम गर्न सकेको भन्दै राष्ट्रिय रुपमा ख्याति कमाउँदै अन्तर्राष्ट्रिय समुदायको पनि विश्वास जित्न सफल भएको बताए । कार्यक्रममा पूर्वसांसद एवम् उद्योगी अनिल रुङ्टाले आफ्नो १४ वर्षको यात्रामा सानो पाइलाले समाजमा अभूतपूर्व प्रभाव जमाउन सफल भएको बताए । सानो पाइलाले सामाजिक, आर्थिक र राजनीतिक मुद्दामा समेत विचार र बहसका माध्यमबाट आफूलाई अब्बल साबित गरेको बताए ।
पर्सा प्रहरी प्रमुख एसपी गंगा पन्तले आफूले सानो पाइलासँग धेरै लामो समय सहकार्य गर्न नपाएको भए पनि कोभिड १९ को समयमा सानो पाइलाले गरेको कामबाट आफू प्रभावित भएको बताइन् । सो अवसरमा सानो पाइलाका संस्थापक एवम् सीईओ कञ्चन झाले १४ वर्षको अवधिमा गरेका कामहरू र त्यसले पारेको प्रभावबारे जानकारी गराएका थिए । झाका अनुसार यो अवधिमा सानो पाइलाले सामाजिक काममा करिब २१ करोड रुपैयाँ खर्चिएको छ । कार्यक्रममा सामुदायिक सेवा केन्द्र तथा सामुदायिक प्रहरी सेवा केन्द्र कुम्हालटोललाई एक सेट डेस्कटप कम्प्यूटर सहयोग उपलब्ध गराइएको थियो । वार्षिकोत्सव समारोह सानो पाइलाकी सचिव डा. शुषमा तिवारीको सभापतित्वमा भएको थियो ।
क्याटेगोरी : समाचार
ताजा अपडेट
- नेपाल सरकार मुलुकमा लगानीमैत्री वातावरण निर्माण गर्न प्रतिवद्ध छ: महासङ्घ अध्यक्ष ढकाल
- नेपाल राष्ट्र बैंकको ६९औँ वार्षिकोत्सव सम्पन्न
- एनआईसी एसिया बैंकमा खनिया सहायक प्रमुख कार्यकारी अधिकृतमा बढुवा
- धेरै रेमिट्यान्स भित्र्याउने बैंक तथा वित्तीय संस्थामा ग्लोबल आईएमई बैंक
- नैतिक आचरण प्रवर्द्धन कसको दायित्व ?
- हाकिमको गाली, कारिन्दाको कुर्सी खाली
- लगानी सम्मेलनबाट आशा र अपेक्षा
- बाल मन्दिरद्वारा बृहस्पति विद्या सदनलाई जग्गा लिजमा दिने आफ्नो निर्णय आफैँ रद्द
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया