पशुपति सहकारीले पीडितलाई अझै पैसा फिर्ता दिएन
काठमाडौं । काठमाडौंको जमलमा मुख्य कार्यालय बनाई सञ्चालित पशुपति बचत तथा ऋण सहकारी संस्था लिमिटेडले लामो समयदेखि सहकारीमा बचत गरेका सर्वसाधारणहरुलाई पैसा फिर्ता नदिई झुलाउँदै आएको छ ।
कान्तिपुर बचत तथा ऋण सहकारी संस्था लिमिटेडमा २४ वर्ष नेतृत्वमा रहेर काम गरेका चन्द्रबहादुर (सीबी) लामाले कान्तिपुरमा सीबी लामा र पशुपति सहकारीमा चन्द्रबहादुर तामाङ बनेर दोहोरो भूमिकामा काम गर्दै आएका थिए ।
सहकारीमा जम्मा भएको निक्षेप व्यक्तिगत रुपमा घरजग्गा, सेयर तथा विभिन्न व्यवसायमा प्रयोग गरेर सहकारीलाई टाट पल्टाएका चन्द्रबहादुर (सीबी) तामाङले विगत चार वर्षदेखि मुद्दती बचतकर्ताहरुको परिपक्व भएको रकम समेत फिर्ता नदिएर झुलाउँदै आएका छन् ।
सर्वसाधारणको बचत फिर्ता नगर्न नै लामाले २०७५ सालमा नै प्रत्येक जिल्लामा एउटा सहकारीसँग मर्ज गर्ने भनेर सूचना निकालेर बचतकर्ताहरुलाई झुक्याएका चन्द्रबहादुर तामाङ उर्फ सीबी लामाले आफ्नो विरुद्धमा उजुरबाजुर गरे रकम फिर्ता नगर्ने भन्दै धम्की दिने गरेका छन् ।
चन्द्रबहादुरले पैसा फिर्ता नगर्न जिल्ला जिल्लामा मर्ज अभियान चलाएर एउटा एउटा सहकारी स्थापना गर्ने भन्ने नाटक सर्वसाधारणहरुले नपत्याएपछि सहकारीसँग पैसा छ भन्ने देखाउन नक्कली भवन निमार्णका लागि न्यूरोड एरियामा जग्गा चाहियो भनेर झुलाएका थिए ।
कांग्रेस नेता शशांक कोइरालाको नाम लिँदै आफू ठूलो मान्छे भनेर आफ्नो बचत फिर्ता लिन आएका सहकारी पीडितहरुलाई तामाङले उल्टै धम्काउने तथा छल्दै भाग्दै हिँड्ने गरेका थिए ।
पशुपति सहकारीलाई टाट पल्टाउने तामाङ अहिले कान्तिपुर अस्पतालको अध्यक्ष हुन् । कान्तिपुर अस्पतालको आडमा पीडितहरुलाई केही सीप नलागे अस्पताल नै बेचेर भए पनि पैसा फिर्ता गर्ने भन्दै अल्झाउँदै आएका छन् ।
कान्तिपुर सहकारीमा सीबी लामाको नाममा अध्यक्ष रहँदा नै तामाङले चन्द्रबहादुर तामाङको नाममा पशुपति सहकारी खोलेका थिए । आफ्नो श्रीमतीलाई पशुपति सहकारीमा राखेर तामाङले आफू भने कान्तिपुरमा बसी कान्तिपुरका ग्राहक सेयर सदस्यहरुलाई पशुपतिमा लैजाने र पशुपतिकै मार्केटिङ समेत गर्ने गरेका थिए ।
तामाङको दुईथरि नाम राखेर दुईवटा सहकारी चलाएर गर्ने दोहोरो भूमिकामा भने डिभिजन सहकारी काठमाडौंका तत्कालीन प्रमुख केशव थापाले सहयोग गर्ने गरेका थिए ।
क्याटेगोरी : समाचार
ताजा अपडेट
- इलाम उपनिर्वाचन : एमाले उम्मेदवार नेम्बाङ मतान्तर बढाउँदै
- बझाङ उपनिर्वाचन : कांग्रेस उम्मेदवार सिंहको अग्रता कायमै
- इलाम उपनिर्वाचन : एमालेका नेम्बाङको अग्रता कायमै
- नेपालमा पेट्रोलियम पदार्थ पत्ता लगाउन अन्तिम चरणको ‘ड्रिलिङ’ गरिँदै, हालसम्मको उपलब्धि के?
- पाँच वर्षपछि नेपालमा लगानी सम्मेलन, प्रधानमन्त्रीले लगानीकर्तालाई देखाएका अवसर कस्ता
- इलाम उपनिर्वाचनः फाकफोकथुम–१,२ , ३ र ४ को मतगणना सकियो
- पहिचानसहितको नागरिकता पाउनुपर्ने यौनिक तथा लैङ्गिक अल्पसङ्ख्यक समुदायको माग
- दोहोरो अंकले उक्लियो सेयर बजार
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया