नवमैत्री बचत तथा ऋण सहकारी संस्था १४औँ वर्षमा
काठमाडौं । नवमैत्री बचत तथा ऋण सहकारी संस्था १४ औँ वर्षमा प्रवेश गरेको छ । संस्थाले १४औँ वर्षमा प्रवेश गरेको अवसरमा एक विशेष कार्यक्रमको आयोजना गरी आफ्नो वार्षिकोत्सव तथा साधारणसभा सम्पन्न गरेको छ ।
कार्यक्रमको प्रमुख अतिथि नेफ्स्कुनका वरिस्ठ उपाध्यक्ष चन्द्र ढकालले सहकारी क्षेत्रमा आएको विषम परिस्थितिमा सम्पूर्ण सहकारीकर्मी, निकाय र सहकारी सम्बद्ध अभियान्ता एकै ठाउँमा उभिएर समस्या समाधानको पहल गर्नुपर्ने र सहकारी सञ्चालकलाई दोष दिँदै अभियान्ताहरू पर भाग्न नहुने बताए ।
सभामा संस्थाका कोषाध्यक्ष सुलभ श्रेष्ठले सहकारीको आर्थिक विवरण प्रस्तुत गरेका थिए । आर्थिक वर्ष २०७९/८० मा सहकारीको सेयर पुँजी दुई करोड ११ लाख छ हजार रुपैयाँ रहेको उनले जानकारी दिए । यस्तै, जगेडा कोषमा एक करोड छ लाख ८३ हजार रुपैयाँ र अन्य कोषमा ८५ लाख १९ हजार रुपैयाँ रहेको बताए । हालसम्म संस्थाको विभिन्न कोषमा जम्मा भएको कारोबार रकम आधारमा हेर्ने हो भने संस्थाको कोषहरू मजबुत रहेको उनले दाबी गरे ।
संस्थाको निक्षेप तर्फ छ करोड तीन लाख ९८ हजार रुपैयाँ रहेको छ भने कर्जा लगानीतर्फ १२ करोड ३१ लाख ५० हजार रुपैयाँ रहेको छ । निक्षेप र लगानीमा अन्तर देखिए पनि सहकारीको छाता संगठन नेफस्कुनबाट कर्जा उपयोग भएको र संस्थाको कोषमा पर्याप्त रकम भएकाले समग्रमा संस्थाको कारोबार सन्तुलित रहेको उनले बताए ।
यस्तै, संस्थाको एक करोड ६९ लाख ३५ हजार रुपैयाँ व्याज आम्दानी गरेको छ भने ६८ लाख ६९ हजार रुपैयाँ ब्याज खर्च गरेको जनाएको छ ।
क्याटेगोरी : सहकारी–कृषि
ट्याग : #Page 8
ताजा अपडेट
- सवारीसाधन र घरजग्गा कर्जा खुकुलो
- स्टार्ट–अपलाई १० वर्षसम्म आयकर छुट
- एम्बुलेन्सको ठक्करबाट महिलाको मृत्यु, दुईजना घाइते
- जाहेरी दिएपछि कार्यान्वयन गर्न थप के–के गर्नुपर्छ महोदय ?
- संसदीय छानबिन समिति गठन गर्न दलहरू सहमत
- देशभर पश्चिमी र स्थानीय वायुको प्रभाव कायमै
- अध्यागमन प्रशासनलाई व्यवस्थित र जिम्मेवार बनाउन अधिकार प्रत्यायोजन
- चार एसएसपीलाई डिआइजीमा बढुवा सिफारिस
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया