भोटेकोशीको शिरमा बनेको तालबाट पानी बाहिरिन थाल्यो, रसुवामा उच्च सतर्कता

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

रसुवा । रसुवा जिल्लाको भोटेकोशी नदीको शिर क्षेत्रमा बनेको ताल भरिएर पानी बाहिरिन थालेपछि स्थानीय प्रशासनले सतर्कता अपनाउन सबैसँग आग्रह गरेको छ। हालसम्म नेपालतर्फ नदीको पानीको बहाव उल्लेख्य रूपमा नबढे पनि सम्भावित जोखिमलाई ध्यानमा राख्दै नदी तटीय क्षेत्रका बासिन्दालाई सचेत रहन आग्रह गरिएको हो।

रसुवाका प्रमुख जिल्ला अधिकारीले भोटेकोशीको शिर क्षेत्रमा ताल बनेको र त्यहाँबाट पानी बाहिरिन थालेको जानकारी दिनुभएको छ। उहाँका अनुसार हाल नेपालतर्फ ठूलो बहाव नबढेको भए पनि परिस्थितिलाई निरन्तर निगरानीमा राखिएको छ।

गृह मन्त्रालयअन्तर्गतको राष्ट्रिय विपद् जोखिम न्यूनीकरण तथा व्यवस्थापन प्राधिकरणले समेत उक्त सूचना पुष्टि गरेको छ। प्राधिकरणले सम्भावित जोखिमलाई मध्यनजर गर्दै सम्बन्धित निकाय तथा स्थानीय बासिन्दालाई आवश्यक सतर्कता अपनाउन आग्रह गरेको जनाएको छ।

वरिष्ठ डिभिजनल जलविज्ञ विनोद पराजुलीले तालबाट पानी बाहिरिन थालेको र त्यसको प्रभावस्वरूप भोटेकोशी नदीमा पानीको बहाव बढ्न थालेको जानकारी दिनुभएको छ। अधिकारीहरूले नदी किनार तथा तटीय क्षेत्रमा बसोबास गर्ने नागरिकलाई अनावश्यक रूपमा नदी आसपास नजान, सुरक्षित स्थानमा रहन र प्रशासनबाट जारी हुने आधिकारिक सूचना नियमित रूपमा पालना गर्न आग्रह गरेका छन्। परिस्थितिको निरन्तर अनुगमन भइरहेको र जोखिम बढेमा थप सूचना जारी गरिने बताइएको छ।