कुमारी बैंकको प्रमुख कार्यकारीमा खनाल

काठमाडौं । कुमारी बैंकको नयाँ प्रमुख कार्यकारी अधिकृत (सीईओ)मा रामचन्द्र खनाल नियुक्त भएका छन् । खनाललाई आगामी चार वर्षको लागि प्रमुख कार्यकारी अधिकृतको पदमा नियुक्त गरेको बैंकले जानकारी दिएको छ ।

यसअघि बैंकमा प्रमुख कार्यकारी अधिकृतको पदमा रमेशराज अर्याल रहेका थिए । उनले राजीनामा दिएपछि खनाललाई नयाँ प्रमुख कार्यकारीको रूपमा नियुक्त गरिएको बैंकको भनाइ छ । नेपाली बैंकिङ क्षेत्रमा ११ वर्षभन्दा बढीको अनुभव सँगालेका खनाल चार्टड एकाउन्टेन्ट हुन् । उनी यसअघि एनआईसी एसिया क्यापिटलमा प्रमुख कार्यकारी अधिकृत थिए ।