१३ अर्ब पाँच करोडको ट्रेजरी जारी गर्दै राष्ट्र बैंक
काठमाडौं । नेपाल राष्ट्र बैंकले चैत १९ गते अर्थात् आज सोमबार पुनः १३ अर्ब पाँच करोड रुपैयाँ बराबरको ट्रेजरी बिक्री गर्ने भएको छ । राष्ट्र बैंकका अनुसार आज अपराह्न तीन बजेसम्म उक्त परिमाणमा ट्रेजरी बिल बिक्री गर्न लागिएको हो । यसअघि यही चैत १४ गते पनि राष्ट्र बैंकले २० अर्ब ७१ करोड २५ लाख रुपैयाँ बराबरको ट्रेजरी बिल बिक्री गरेको थियो ।
राष्ट्र बैंकका अनुसार जारी मिति चैत २० गते मंगलबार तोकिएको ट्रेजरी खरिदको लागि वाणिज्य बैंक, विकास बैंक र फाइनान्स कम्पनीहरूले भाग लिन पाउनेछन् । बिक्री गरिने उक्त ट्रेजरीहरू क्रमशः ९१ दिन अवधिको सात अर्ब ७५ करोड र एक सय ८२ दिन अवधिको पाँच अर्ब ३० करोड रुपैयाँ बराबरको रहेको छ । जसमध्ये ९१ दिनेको २०८१ असार १९ गते र एक सय ८२ दिन अवधिको २०८१ असोज १५ गते परिपक्व हुने अवधि तोकिएको छ । राष्ट्र बैकका अनुसार आज बिक्री हुने ट्रेजरी बिलहरू सबै पुरानो नवीकरणअन्तर्गतको रहेका छन् ।
यसअघि अर्थात् गत साता पनि राष्ट्र बैंकले २८ दिन अवधिको पाँच अर्ब, ९१ दिन अवधिको १० अर्ब ११ करोड २५ लाख, एक सय ८२ दिन अवधिको ५० करोड र तीन सय ६४ दिन अवधिको पाँच अर्ब रुपैयाँ बराबरको ट्रेजरी बिल जारी गरेको थियो ।
क्याटेगोरी : बैंक बित्त बजार
ट्याग : #Page 10
ताजा अपडेट
- मौद्रिक नीतिमा नीति तथा कार्यक्रमको हस्तक्षेप
- कृषिमा ‘लगानी दशक’ घोषणा
- ५ लाख सुकुमबासीको समस्या समाधान गर्ने
- प्रत्येक प्रदेशमा एक हजार गाईभैंसी पालनको पूर्वाधार बनाइने
- खराब सरकारी आयोजना खारेज गर्ने प्रस्ताव
- गोली हानेर प्रहरीले लागूऔषध कारोबारीलाई समात्यो
- सन्दीपको मुद्दामा बहस जारी
- उत्पादन, उत्पादकत्व र रोजगारी उच्च प्राथमिकतामा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया