सरकारले साझा यातायात सहकारी संस्था लिमिटेडबाट आफ्नो सेयर रकम तीन अर्ब रूपैयाँ फिर्ता लिएको घोषणा गरेपछि सहकारीबाट आक्रान्त सर्वसाधरणले त्यसैगरी आफूले हालेको सेयर फिर्ता लिन पाउने हुन् कि होइनन् भन्ने प्रश्न खडा भएको छ । सरकारले साझालाई २०७६ असार ३० गते तीन अर्ब रूपैयाँ अपलब्ध गराएको थियो । तर, यही माघ ६ गते बसेको मन्त्रिपरिषद्को बैठकले सरकारले साझा यातायातमा सेयरबापत लगानी गरेको तीन अर्ब र सो रकम उक्त लिमिटेडलाई उपलब्ध गराएको मितिदेखि हालसम्मको ब्याजसमेत सरकारका नाममा फिर्ता लिने निर्णय गरेको माघ ९ गतेको नियमित साप्ताहिक पत्रकार सम्मेलनमा सरकारका प्रवक्ता एवं सञ्चारमन्त्री गोकुल बाँस्कोटाले बताएका थिए । सरकार र साझा सहकारीबीच उक्त रकम विद्युतीय बस खरीदमा लगानी गर्ने सहमति भएको थियो ।
सरकारले साझा सहकारीमा सेयरबापत तीन अर्ब लगानी गरेको मन्त्रिपरिषद्को निर्णयबाटै स्पष्ट हुन्छ । सहकारीमा लगानी गरेको सेयर फिर्ता हुँदैन, त्यो सेयर ट्रान्सफर मात्र हुने व्यवस्था छ । देशभर च्याउ उम्रिएसरी सहकारीले ठग्नुसम्म ठगेकाले जनता आजित भएका छन् र आफ्नो नामको सेयर फिर्ता लिन चाहन्छन् । तर, सहकारीमा गरेको सेयरबापतको लगानी फिर्ता नहुने र अर्को व्यक्तिमा ट्रान्सफर मात्र गर्न सकिने प्रावधान रहेकाले जनताको लगानी असुरक्षित भएको हो । तर, त्यही प्रावधानमा सरकारले चाहिँ सहकारीमा गरेको सेयर लगानी आफैँ घोषणा गरेर फिर्ता लिएको छ । सरकारले साझा सहकारीलाई ऋण दिएको पनि होइन, अनुदान दिएको पनि थिएन, त्यो सेयर थियो, साझा सहकारीले सरकारलाई सेयर प्रमाणपत्र पनि दिइसकेको हुनुपर्दछ । नदिएको भए त्यो सहकारीको गल्ती हो । तर, सहकारीमा सेयर लगानी गरेपछि सहकारीको नीतिनियम पालना गरिनु पर्दछ । त्यो पालना गर्ने दायित्व सर्वसाधारण जनताको मात्र होइन, नीतिनियम बनाउने सरकारको पनि हो ।
सरकारले बनाएका नीतिनियम जनताले मात्रै मान्नुपर्ने, सरकारको चाहिँ मुखै कानुन हुनु हुँदैन । सरकारले आफूले हालेको सेयर रकमको ब्याजसहित फिर्ता लिने निर्णय गरे पनि सरकारले उक्त रकम ब्याजका लागि सहकारीमा राखेको थिएन । सरकार आफैँले यसरी नीतिनियम र नम्स नमानेर जनतालाई मान भन्ने नैतिक आधार राख्दैन । सरकार सरल स्पष्ट र पारदर्शी रूपमा सञ्चालन हुनुपर्दछ । यसरी अपारदर्शी रूपमा प्रस्तुत हुनु हुँदैन । यो बाटो लाग्दा र एउटा गल्तीलाई छोप्न अर्को गल्ती दोहो-याउँदै जाँदा सरकार सरकार अधिनायकवादी हुँदै जान्छ । यस्तो गलत निर्णयलाई पकृया पु-याएर सच्याउन ढिला गर्नु हुँदैन ।
क्याटेगोरी : सम्पादकीय
ताजा अपडेट
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया