च्याटजीपीटीले अब इन्टरनेटबाटै जानकारी खोज्न सक्ने

एजेन्सी । ‘जेनेरेटर एआई प्लेटफर्म (च्याटजीपीटी)’ले अब इन्टरनेटबाट सिधै जानकारी ल्याउन वा अद्यावधिक जानकारी संकलन गर्न सक्ने भएको दाबी यसको निर्माता ‘ओपनएआई’ले बुधबार जानकारी गराएको छ । यस सफलतालाई ‘ओपनएआई’ले कोसेढुंगा भनेको छ ।

अहिलेसम्म, प्रयोगकर्ताका प्रश्नहरूमा च्याटजीपीटीको प्रतिक्रियाहरू पुराना जानकारीमा आधारित थिए, जसमा अगस्त २०२१ पछिको जानकारी समावेश गरिएको थिएन । ‘च्याटजीपीटीले अब स्रोतहरूसँग सिधा लिंकहरूको साथ इन्टरनेटमा खोजी गर्न सक्छ र तपाईँलाई वर्तमान र आधिकारिक जानकारी प्रदान गर्छ’, ओपनएआईले सामाजिक सञ्जाल एक्स (ट्वीटर)मार्फत सार्वजनिक एक सूचनामा जानकारी गराएको छ ।

पोस्टमा भनिएको छ, ‘यो अब सेप्टेम्बर २०२१ भन्दा अघिको जानकारीमा मात्र सीमित छैन ।’ नवीनतम सुविधाले वेबसाइटहरूलाई च्याटजीपीटीले उनीहरूसँग कसरी अन्तरक्रिया गर्दछ भनेर नियन्त्रण गर्न अनुमति दिने पनि जनाइएको छ ।
ओपनएआईले जुनमा आफ्ना पैसा तिरेका ग्राहकहरूका लागि अद्यावधिक सार्वजनिक गरेको थियो, तर प्रयोगकर्ताहरूले इन्टरनेट सामग्रीमा पैसा तिरेका ग्राहकहरूको सूचना चोरी गर्न सफल भएपछि यो अवधारणालाई खारेज गरेको थियो ।

‘ब्राउज विथ बिङ’ नाम दिइएको यो सुविधा च्याटजीपीटी प्लस र उद्यम सेवाका ग्राहकका लागि पनि आरक्षित छ, तर ओपनएआईले यो चाँडै नै सबै प्रयोगकर्ताका लागि उपलब्ध हुने बताएको छ । च्याटजीपीटीले यसको प्रतिक्रियाहरूको साथ प्रत्यक्ष स्रोतहरू पनि उद्धृत गर्नेछ, जुन अब कार्यक्रमको प्रकाशकले नियन्त्रण गर्ने एकल जानकारीमा आधारित हुने छैन । रासस