अमेरिकाको फर्स्ट रिपब्लिक बैंकको अधिकांश सम्पत्ति जेपीमोर्गानले लियो
न्युयोर्क । जेपीमोर्गान चेसले फर्स्ट रिपब्लिक बैंकको अधिकांश सम्पत्ति खरिद गर्ने भएको छ । अमेरिकाकै दोस्रो ठूलो बैंक पहिलोपटक असफल भएपछि सोमबार दुई बैंकबीच सम्झौता भएको हो । यसअनुसार फस्र्ट रिपब्लिकका ग्राहकको बचत सुरक्षित बनाइएको छ ।
जेपीमोर्गान चेसले उक्त बैंकको अधिकांशजसो सम्पत्ति आफूले प्राप्ति गरेको जनाएको छ । जेपीमोर्गानका प्रमुख कार्यकारी अधिकृत ज्यामी डायमनले सरकारले आग्रह गरेअनुसार नै यस्तो सम्झौता गरिएको बताए । उनले सम्झौतालाई राम्रो भन्दै सेयरसदस्यहरुलाई आम्दानी भइरहने उल्लेख गरे ।
सम्झौताअनुसार फेडेरल डिपोजिट इन्स्योरेन्स कर्पोरेसनले फर्स्ट रिपब्लिकमा रहेको परिवारको धितो र व्यावसायिक ऋण अर्को पाँचदेखि सात वर्षसम्मका लागि ८० प्रतिशतसम्म व्यहोर्नेछ । त्यस्तै जेपीमोर्गानले फर्स्ट रिपब्लिकको व्यावसायिक ऋणको वहन गर्नेछैन भने सम्झौता पूरा गर्न एफडीआईसीबाट ५० अर्ब डलर लगानी प्राप्त गर्नेछ ।
त्यस्तै जेपीमोर्गानले एफडीआईसीलाई १०.६ अर्ब डलर भुक्तानी गर्नेछ भने अन्य बैंकहरुले फर्स्ट रिपब्लिकमा मार्चमा राखेको २५ अर्ब डलरको कोष फिर्ता गर्नेछ । यसबाहेक ५ अर्ब डलरको फर्स्ट रिपब्लिकसँगको डिपोजिट हटाउनेछ । सम्झौताबाट जेपीमोर्गानले २.६ अर्ब डलर पाउनेछ भने सोमध्ये दुई अर्ब डलर बैंकको पुनर्संरचनामा सन् २०२४ को अन्त्यसम्म खर्च गर्ने योजना बनाएको छ ।
क्याटेगोरी : विश्व बजार
ट्याग : #Page 5
ताजा अपडेट
- बानेश्वरमा प्रतिपक्ष दलको बैठक सुरु
- कानुन व्यवसायी राष्ट्रिय सम्मेलनको राष्ट्रपतिद्वारा उद्घाटन
- नेपाल चेम्बर र अर्मेनियाको चेम्बरबीच व्यापार एवं सूचना प्रविधिमा सहकार्य हुने
- रोजाइअनुसार नेपाल टेलिकमका डाटा सेवाहरु उपलब्ध
- नेपाल बैंकर्स संघ तथा नेपाल बीमक संघबीच सम्झौता
- प्रभु बैंक र चिरायु नेसनल हस्पिटलबीच छुट सम्झौता
- नेपालमा सहरीकरणको अवस्था र स्थिति, कारण समस्या तथा सुझाव
- आर्थिक विकासमा यस्ता छन् नेपालका चुनौतीहरू
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया