जनप्रतिनिधिमा आएको अधिकार खोस्ने षड्यन्त्र भइरहेको छ : प्रधानमन्त्री दाहाल

दमौली (तनहुँ) । नेकपा (माओवादी) केन्द्र तनहुँले शुक्रबार आँबुखैरेनीमा आयोजना गरेको भेटघाट कार्यक्रममा प्रधानमन्त्री पुष्पकमल दाहाल‘प्रचण्ड’ले जनप्रतिनिधिमा आएको अधिकार खोस्ने षड्यन्त्र भइरहेको बताएका छन् । उनले विभिन्नरूपमा हुने षड्यन्त्रविरुद्ध सबै दल एकजुट हुनुपर्ने जोड दिए।

परिवर्तनको रक्षाका निम्ति र देशको सुरक्षाका निम्ति सरकार दृढ रहेको बताउँदै प्रधानमन्त्री दाहालले संविधानविरुद्ध षड्यन्त्र भइरहेको बताए । दाहालले गठबन्धनमाथि खतरा नरहेको दाबी गरे ।

पार्टीले जनताका घरघरमा पुग्ने कार्यक्रमसहित रुपान्तरण अभियान अगाडि बढाएको छ । पार्टी पुनःनिर्माणको विशेष अभियानमा रहेको बताउँदै प्रधानमन्त्री दाहालले देशैभरि जनतासँग माओवादी अभियानले जनतामाझ माओवादी र देशका लागि औपचारिक अभियानमात्र नरहेको र रणनीतिक अभियानको हिस्सा रहेको बताए ।