पहिलो अन्तर्राष्ट्रिय आर्थिक सम्मेलन आजबाट
काठमाडौं । विकासको सवालमा नवीन सोच र तयारीलगायतका विषयमा केन्द्रित ‘पहिलो अन्तर्राष्ट्रिय आर्थिक सम्मेलन’ आजदेखि ललितपुरमा सुरु हुँदैछ । पाटन मल्टिपल क्याम्पस अर्थशास्त्र विभागले आयोजना गर्न लागेको यो सम्मेलनमा विकासको सवालमा नवीन सोच, तयारी र ज्ञान आदानप्रदान हुनेछ । क्याम्पसको अर्थशास्त्र विभागका प्रमुख डा रघुवीर विष्टले नयाँ पुस्ता, नीति निर्माण तहमा रहेका वर्ग, प्राज्ञिक र बौद्धिक वर्ग एकै ठाउँमा उपस्थित भएर प्राज्ञिक शोध र अनुसन्धानबाट आर्थित ज्ञान आदानप्रदान हुने बताएका छन् ।
अर्थशास्त्रको विकासक्रममा पछिल्लो समय जलवायु परिवर्तन तथा श्रम आप्रवासनजस्ता नयाँ विषय जोडिएको, कोभिड–१९, क्षेत्रीय द्वन्द्वजस्ता गतिविधिले प्रभाव पारेको सन्दर्भमा यो सम्मेलन फलदायी हुने विश्वास क्कयाम्पसले गरको छ ।
नेपालजस्तो जटिल र पृथक भूराजनीतिक मानचित्रमा रहेको देशलाई अर्थशास्त्रमा आएको उल्लेखित नयाँपनलाई नजिकबाट नियाल्न सहज रहेको डा विष्टको भनाइ छ । उनले यस विषयमा छलफल प्रारम्भ गर्नु आजको टड्कारो आवश्यकता भइसकेको बताए ।
सम्मेलनले विकासका नयाँ मुद्दामाथि गहन छलफलमार्फत ज्ञान आर्जनमा टेवा पुग्ने तथा नीतिनिर्माणमा स्पष्टता र दूरदर्शिता विकास गर्न सघाउ पुग्ने लक्ष्य लिएको छ । विकासको एजेन्डालाई नवसिर्जित मुद्दासँग अंगीकार गर्दै अर्थतन्त्र विस्तारमा गुणात्मकता र स्थायित्व कायम गर्ने नयाँ आयामको खोजी सम्मेलनले गर्ने छ ।
संयुक्त राष्ट्र खाद्य एवम् कृषि संगठनको प्रमुख सहकार्यमा आयोजना हुने सम्मेलनलाई विश्वविद्यालय अनुदान आयोग, नबिल बैंक, सानिमा बैंक तथा राष्ट्रिय वाणिज्य बैंकले प्रायोजन गरेका छन् ।
सम्मेलन चैत १५ र १६ गते ललितपुर पुलचोकस्थित होटल स्क्वायरमा चल्ने छ । सम्मेलनमा नेपालसहित भारत, बंगलादेश, भुटान, श्रीलंका, सिंगापुर र मलेसियाका प्राज्ञिक तथा बौद्धिक व्यक्तित्वको सहभागिता रहनेछ । यस्तै त्रिभुवन विश्वविद्यालयसँगै काठमाडौं, पोखरा र सुदुरपश्चिम विश्वविद्यालय र उल्लेखित विश्लविद्यालयका विभिन्न आंगिक÷सम्बन्धन क्याम्पस तथा विभागको प्रत्यक्ष संलग्नता रहनेछ । सम्मेलनका लागि कुल ३८ रिसर्च पेपर छनोट भएका छन् । सम्मेलनमा दुई जना विज्ञबाट (किनोट लेक्चर) र पाँच विज्ञ सम्मिलित एक प्यानल छलफल हुनेछ । सम्मेलनमा कुल एक सय ५० जनाको सहभागिता रहनेछ ।
क्याटेगोरी : समाचार
ट्याग : #Page 12
ताजा अपडेट
- जसपाको केन्द्रीय कार्यकारिणी समिति बैठक बस्दै
- नेपालले टस जितेर फिल्डिङ गर्दै
- देशमा लगानीको वातावरण बन्दै गएको छ स् अध्यक्ष अग्रवाल
- बझाङमा उत्साहपूर्वक मतदान हुँदै
- कृषि र उत्पादनमूलक क्षेत्रमा कोरिया जाने पर्खाइमा रहेकाहरूलाई क्षेत्र परिवर्तन गर्ने मौका
- अमेरिकालाई ‘सीमा’ ननाघ्न चीनको चेतावनी
- शान्तिपूर्ण रूपमा इलाम–२ मा मतदान सुरु
- सुदूरपश्चिम, गण्डकी र कोशी प्रदेशका केही स्थानमा हुरीबतासको चेतावनी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया