नारायणहिटीको १५ रोपनी जग्गा बतास ग्रुपलाई लिजमा
काठमाडौँ ।
पोखराको बदनाम व्यापारिक समूह बतास ग्रुपले नारायणहिटी राजदरबारभित्र रहेको नेपाल ट्रष्टको सम्पत्तिमा कब्जा जमाउने निश्चित भएको छ । २०४९ सालतिर गोल्डक्वाइस्ट नेटवर्किङको धन्दा गरेर बदनामी कमाएको बतास ग्रुपले रजानीतिक पहँुचको भरमा विघटित नारायणहिटी राजदरबारको १५ रोपनी जमिनमा रेष्टुरेन्ट खोल्न लिजमा लिएको छ । योसँगै ग्रुप नारायणहिटीभित्रको जमिनमा कब्जा जमाउने निश्चित भएको हो ।
आनन्द बतासको गोल्डक्वाइस्ट काण्डमा मुछिएकै कारण म्याग्दीका तत्कालीन एमाले सांसद निल बहादुर तिलिजा राजनीतिबाट पलायन हुनुप¥यो । तिलिजा पलायन भएपछि बतास नेपाली कांग्रेसका नेता शेरबहादुर देउवाको शरणमा पुगेका छन् भने देउवाकै कारण सत्ताको समेत नजिक हुँदै आएका छन् ।
अहिले पनि केपी ओलीको सरकारसँग लेनदेनको आधारमा उनले नारायणहिटीको जमिन लिजमा लिन सफल भएका हुन् । केशरमहल अगाडिदेखि नारायण मन्दिरसम्मको १५ रोपनी जग्गा बतास ग्रुपले लिजमा लिएर अरुलाई सब–लिजमा दिने तयारी गरेको छ । सब–लिजमा दिनको लागि उक्त समूहले विभिन्न व्यवसायीहरुसँग मोलमोलाइ गरेर हिँडेको छ तर काठमाडौंको व्यवसायी भने ऐतिहासिक महत्व बोकेको सो स्थानमा रेष्टुरेन्ट सञ्चालन गर्दा नागरिकबाट विरोध आउने भन्दै तयार भएका छैनन् ।
नारायणहिटीको सो क्षेत्रमा रेस्टुरेन्ट सञ्चालन गरेमा नागरिकहरुले घृणास्वरुप आफूहरुलाई थुक्ने भन्दै काठमाडौंको व्यापारीहरु जमिन सबलिजमा लिन तयार नभएको एक व्यवसायीले आर्थिक दैनिकलाई बताए ।ट्रष्टले ग्रुपको बीपीएस लिजिङ तथा म्यानेजमेन्ट प्रालिलाई असारदेखि नारायणहिटीभित्र रेस्टुरेन्ट सञ्चालनको लागि अनुमति दिइसकेको छ ।
नारायणहिटी क्षेत्रमा रेस्टुरेन्ट सञ्चालन गर्नको लागि गत साउनमा संग्रहालय विकास समितिले टेण्डर आह्वान गरेको थियो । टेण्डर आह्वानपछि बतास ग्रुपकै तीनवटा कम्पनी छनौट गरिएको थियो भने उक्त छनौट प्रक्रिया मिलेमतोमा भएको थियो । बतास ग्रुपलाई मात्र छनौट गर्नका लागि जोकर रेस्ट्रो तथा लाउन्जलाई प्राविधिक रुपमै फेल गराएका थिए ।
बतास ग्रुपको बीपीएस लिजिङ तथा म्यानेजमेन्ट प्रालि, आनन्द प्रालि र बतास एसोसिएट्सलाई टेन्डरमा सहभागी गराई सेटिङका आधारमा बीपीएसलाई टेण्डर दिइएको छ ।
पहुँचकै आधारमा पशुपति धर्मशाला र पाटन संग्रहालय क्षेत्रमा पनि बतास समूहले ट्रष्टको सम्पत्ति दुरुपयोग गरिरहेका छन् । बतासले पशुपति क्षेत्र विकास कोषको करिब १९ रोपनी जग्गामा फैलिएको धर्मशालालाई होटेलमा परिणत गरेका छन् । उनीहरुले तीन तलको धर्मशालालाई चार सय बेडको होटेल बनाई लिजमा दिएका छन् । ग्रुपले आनन्द प्रालिलाई १५ वर्षको लागि भाडामा होटेल सञ्चालन गर्न दिएका छन् ।
यस्तै पाटन संग्रहालयको हकमा भने ग्रु्पले पाटन संग्रहालय विकास समितिको बाधपाटी १५ वर्षका लागि भाडामा लिई भाडामा लगाएको छ । ग्रुपले बीपीएस लिजिङ म्यानेजमेन्ट प्रालिलाई व्यवसाय सञ्चालन गर्नका लागि भाडामा दिएको हो । ग्रुपले पहुँचको भरमा आफूले न्यून दरमा सरकारबाट भाडामा लिने र चर्कोदरमा भाडामा लगाउने गर्दै आएको छ । पाटीमा बैंकहरुका शाखा, कफी सपलगायतका विभिन्न व्यापारिक प्रयोजनको लागि प्रयोग भइरहेको छ ।
क्याटेगोरी : समाचार
ताजा अपडेट
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया