Techie IT
×
गृहपृष्ठbreakingडा.  श्रेष्ठको अपहरणमा संलग्न  पण्डित पक्राउ

डा.  श्रेष्ठको अपहरणमा संलग्न  पण्डित पक्राउ


काठमाडौं । बीपी कोइराला क्यान्सर अस्पताल भरतपुरका कार्यकारी निर्देशक डा.भक्तमान श्रेष्ठको अपहरणमा संलग्न फरार प्रतिवादी नुवाकोट विदुर नगरपालिका–१२ मुलाबारीका ४५ वर्षीय राजेन्द्र कुमार पण्डित भन्ने राजेन्द्र पण्डितलाई घटनाको ११ वर्षपछि मंगलबार प्रहरीले पक्राउ गरेको छ ।

२०६७ जेठ ४ गते चितवन भरतपुर महानगरपालिका–१० हाकिमचोकस्थित सडकबाट १२÷१५ जनाको अज्ञात समूहले अपहरण गरी लगी १९ दिनसम्म बन्धक बनाई राखेकोमा फिरौतीबापत एक करोड १० लाख रुपैयाँ मूल्यबराबरको तीन किलो सुन लिएपछि जेठ २२ गते अपहरणमुक्त गरी फरार रहेका उनलाई भारतको विभिन्न स्थानहरुमा लुकीछिपी बसेकोमा नेपाल आएको सूचनाको आधारमा केन्द्रीय अनुसन्धान ब्यूरो महाराजगञ्जबाट खटिएको प्रहरीले उनकै घर ठेगानाबाट फेला पारी पक्राउ गरेको हो ।

उनीउपर पुनरावेदन अदालत हेटौंडाबाट २०७० माघ २१ गते अपहरण तथा शरीर बन्धक मुद्दामा नौ वर्ष कैद र ५० हजार रुपैयाँ जरिवाना ठहर भएको थियो । उनलाई फैसला कार्यान्वयनको लागि जिल्ला अदालत काठमाडौं पठाइएको उक्त ब्यूरोले जानकारी दिएको छ ।


क्याटेगोरी : breaking, समाचार

तपाईको प्रतिक्रिया