वित्तीय विवरण प्रकाशन गर्न लघुवित्तद्वारा आलटाल
काठमाडौं । दुई दर्जन बढी लघुवित्त वित्तीय संस्थाहरुले वित्तीय विवरण प्रकाशनमा आलटाल गरेका छन् । नेपाल राष्ट्र बैंकका अनुसार त्रैमासिक सकिएको पहिलो महिनाको दोस्रो हप्तासम्ममा अपरिष्कृत वित्तीय विवरण सार्वजनिक गरिसक्नुपर्नेमा हालसम्म सञ्चालनमा रहेका ६७ वटा लघुवित्त संस्थाहरुमध्ये ४१ वटाले मात्र चालू आवको दोस्रो त्रैमासिक अपरिष्कृत वित्तीय विवरण सार्वजनिक गरेका छन् । जसअनुसार २६ वटा संस्थाहरुले अझै अपरिष्कृत वित्तीय विवरण सार्वजनिक गरेका छैनन् । अपरिष्कृत वित्तीय विवरण सार्वजनिक गर्ने संस्थाहरुमध्ये छिमेक लघुवित्त वित्तीय संस्थाले चालू आर्थिक वर्षको दोस्रो त्रैमासिक अवधिमा ४९ करोड ८४ लाख ४२ हजार तीन सय ५३ रुपैयाँ खुद मुनाफा कमाएको छ ।
गत आवको सोही अवधिमा भने छिमेकको यस्तो नाफा ६१ करोड ५४ लाख ९३ हजार सात सय ५७ रुपैयाँ रहेको थियो । फष्र्ट माइक्रोफाइनान्स लघुवित्त वित्तीय संस्थाले पनि चालू आवको दोस्रो त्रैमासिकमा १० करोड ४४ लाख ३२ हजार छ सय ७० रुपैयाँ खुद मुनाफा आर्जन गरेको छ । गत आवको सोही अवधिमा यो संस्थाको यस्तो नाफा सात करोड ५६ लाख १६ हजार पाँच सय ९३ रुपैयाँ रहेको थियो । ग्लोबल आईएमई लघुवित्त वित्तीय संस्थाले भने पछिल्लो अवधिमा १४ करोड ७८ लाख ९४ हजार रुपैयाँ खुद मुनाफा कमाएको छ । गत आवको सोही अवधिमा भने ग्लोबलको यस्तो नाफा १२ करोड नौ लाख ८० हजार रुपैयाँ रहेको थियो । एनआईसी एसिया लघुवित्त वित्तीय संस्थाले चालू आर्थिक वर्षको दोस्रो त्रैमासिक अवधिमा ३५ करोड ४८ लाख ६५ हजार रुपैयाँ खुद मुनाफा आर्जन गरेको छ । गत आवको सोही अवधिमा एनआईसी एसियाको यस्तो नाफा १५ करोड ९७ लाख ९३ हजार रुपैयाँ रहेको थियो ।
आरम्भ चौतारी लघुवित्त वित्तीय संस्थाले पनि पछिल्लो अवधिमा चार करोड ३५ लाख ३५ हजार रुपैयाँ खुद मुनाफा कमाएको छ । गत आवको सोही अवधिमा भने संस्थाको यस्तो नाफा छ करोड २४ लाख १४ हजार रुपैयाँ रहेको थियो । आशा लघुवित्त वित्तीय संस्थाले भने चालू आवको दोस्रो त्रैमासिक अवधिमा आठ करोड ७३ लाख ८४ हजार एक सय ८० रुपैयाँ खुद मुनाफा आर्जन गरेको छ । गत आवको सोही अवधिमा भने संस्थाको यस्तो नाफा सात करोड १६ हजार सात सय ६० रुपैयाँ रहेको थियो । मिर्मिरे लघुवित्त वित्तीय संस्थाले पनि पछिल्लो अवधिमा १२ करोड १६ लाख ३४ हजार रुपैयाँ खुद मुनाफा कमाएको छ । गत आवको सोही अवधिमा भने संस्थाको यस्तो नाफा सात करोड ५१ लाख ४१ हजार रुपैयाँ थियो ।
यसैगरी लक्ष्मी लघुवित्त वित्तीय संस्थाले चालू आवको दोस्रो त्रैमासिकमा नौ करोड २४ लाख ४२ हजार रुपैयाँ खुद मुनाफा कमाएको छ । गत आवको सोही अवधिमा भने संस्थाको यस्तो नाफा नौ करोड चार लाख रुपैयाँ रहेको थियो । कालिका लघुवित्त वित्तीय संस्थाले पछिल्लो अवधिमा आठ करोड ४० लाख ९५ हजार रुपैयाँ खुद मुनाफा कमाएको छ । गत आवको सोही अवधिमा भने कालिकाको यस्तो नाफा दुई करोड ७५ लाख ५५ हजार रुपैयाँ रहेको थियो । साधना, डिप्रोस्क, एनएमबी र समिट लघुवित्त वित्तीय संस्थाहरुले भने चालू आवको दोस्रो त्रैमासिकमा क्रमशः सात करोड ५७ लाख ७४ हजार, ३३ करोड ४४ लाख ८१ हजार, सात करोड २५ लाख ७७ हजार र आठ करोड ५० लाख ८१ हजार रुपैयाँ खुद मुनाफा कमाएका छन् । सृजनशील, राष्ट्र उत्थान, आरएसडीसी र गणपति लघुवित्त वित्तीय संस्थाहरुले भने पछिल्लो अवधिमा क्रमशः तीन करोड २७ लाख ९२ हजार, तीन करोड ६८ लाख ८० हजार, चार करोड ८९ लाख १९ हजार र ९६ लाख ३७ हजार रुपैयाँ खुद मुनाफा कमाएका छन् ।
चालू आवको दोस्रो त्रैमासिकमा सिभिल, महुली, मेरो माइक्रोफाइनान्स र स्वरोजगार लघुवित्त वित्तीय संस्थाहरुले भने क्रमशः तीन करोड ७५ लाख ३३ हजार, पाँच करोड ५६ लाख ३७ हजार, २६ करोड ६५ लाख ६२ हजार र नौ करोड एक लाख ७४ हजार रुपैयाँ खुद मुनाफा कमाएका छन् । यसैगरी आदर्श, आँधीखोला, वोमी र इन्फिनिटी लघुवित्त वित्तीय संस्थाले पनि चालू आवको दोस्रो त्रैमासिकमा क्रमशः १४ लाख ७० हजार, दुई करोड ४६ लाख २८ हजार, आठ करोड ७७ लाख नौ हजार र आठ करोड २७ लाख ४८ हजार रुपैयाँ खुद मुनाफा कमाएका छन् । गत आवको सोही अवधिमा गुराँस, फरवार्ड, नेशनल र स्वाभिमान लघुवित्त वित्तीय संस्थाहरुले भने क्रमशः ७३ लाख ८९ हजार, ४५ करोड ६० लाख ९५ हजार, २४ करोड ६१ लाख तीन हजार र दुई करोड १९ लाख २२ हजार रुपैयाँ खुद मुनाफा कमाएका छन् ।
मानुषी, सबैको र महिला लघुवित्त वित्तीय संस्थाहरुले भने चालू आवको दोस्रो त्रैमासिकमा क्रमशः एक करोड ५१ लाख ३१ हजार, पाँच करोड ७१ लाख ८५ हजार र आठ करोड १८ लाख ४२ हजार रुपैयाँ खुद मुनाफा कमाएका छन् । यसैगरी सपोर्ट र सूर्योदय लघुवित्त वित्तीय संस्थाले पनि चालू आवको दोस्रो त्रैमासिकमा क्रमशः ९९ लाख सात हजार र छ करोड ४४ लाख ५० हजार रुपैयाँ खुद मुनाफा कमाएका छन् ।
क्याटेगोरी : समाचार
ताजा अपडेट
- कृषि र उत्पादनमूलक क्षेत्रमा कोरिया जाने पर्खाइमा रहेकाहरूलाई क्षेत्र परिवर्तन गर्ने मौका
- अमेरिकालाई ‘सीमा’ ननाघ्न चीनको चेतावनी
- शान्तिपूर्ण रूपमा इलाम–२ मा मतदान सुरु
- सुदूरपश्चिम, गण्डकी र कोशी प्रदेशका केही स्थानमा हुरीबतासको चेतावनी
- आज इलाम र बझाङमा उपनिर्वाचन
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया