ढुवानी व्यवसायीको समस्या समाधान गर्न ध्यानाकर्षण
काठमाडौं । राष्ट्रिय स्वतन्त्र पार्टीका सांसद शिव नेपालीले ट्रक ढुवानी व्यवसायीको समस्याबारे सरकारले ध्यान दिनुपर्ने बताएका छन् ।
प्रतिनिधिसभाको शुक्रबारको बैठकको विशेष समयमा उनले भारतीय ट्रक निर्वाधरुपमा मुलुकका विभिन्न भूभागमा घुम्ने गर्दा नेपाली ट्रक व्यवसायी अहिले मारमा परिरहेको बताए ।
उनले भारतीय गाडीले उतैबाट ढुवानी गरेर ल्याउने र नेपालभित्र सबै ठाउँमा सोही गाडी घुम्ने अवस्था रहेको भन्दै भारतीय गाडीलाई भन्सार नाकामै अनलोड गरेर फर्किंने व्यवस्था मिलाउन माग गरे । विपद् व्यवस्थापनको सम्भावित जोखिम नियन्त्रणका लागि सरकारी संयन्त्रलाई तयारी अवस्थामा राख्न पनि सांसद नेपालीले सभामुखमार्फत सरकारको ध्यानाकर्षण गराए ।
राससका अनुसार सोही पार्टीका सांसद बीना लामाले धादिङको उत्तरी खण्डको सडक स्तरोन्नति गर्न माग गरे । उनले रुविभ्याली गाउँपालिकाका कतिपय क्षेत्रका जोखिमपूर्ण बस्ती स्थानान्तरण गर्न पनि ध्यानाकर्षण गराए ।
उनले भौगोलिक विकटता र स्थानीय आवश्यकताका आधारमा बजेट विनियोजन गरिनुपर्नेसमेत माग गरे । जनता समाजवादी पार्टी (जसपा) नेपालका सांसद रेखा यादवले संसद्मा अड्किएका विधेयक चाँडो अघि बढाइनुपर्ने माग गरे । लघुवित्तको ठगी नियन्त्रण र पीडितलाई राहत दिन सरकारको ध्यानाकर्षण गरे । कृषकलाई कृषक परिचयपत्रको व्यवस्था गरी मलखाद्य र सिँचाइको सुनिश्चितता गराउनेतर्फ सम्बन्धित निकायलाई सक्रिय बनाउन उनले आग्रह गरे ।
नेकपा (एकीकृत समाजवादी)का सांसद मेटमणि चौधरीले आयात निर्यातका वस्तुको सूची बनाएर ढुवानी तथा निकासी सहज तुल्याइनुपर्नेमा जोड दिए । उनले बैंक तथा वित्तीय क्षेत्रको पुनः संरचना गरी दूरदराजका जनताको पहुँचमा पु-याइनुपर्ने खाँचो औँल्याए । सांसद चौधरीले पेट्रोलियम पदार्थको विकल्प खोजेर विद्युतीय सवारी सञ्चालनका लागि करछुटलगायतका सुविधा दिएर यसको खपतमा आकर्षण गरिनुपर्ने माग गरे ।
जनमत पार्टीका सांसद अनिताकुमारी सिंहले तराई–मधेसका सरकारी विद्यालयमा आवश्यक शिक्षक दरबन्दी नहुँदा शैक्षिकसत्र अवरुद्ध भएको र शैक्षिक स्तर पनि खस्कँदो अवस्थामा रहेको भन्दै सभामुखमार्फत सरोकारवाला निकायको ध्यानाकर्षण गराइन् ।
क्याटेगोरी : समाचार, संसद समाचार
ताजा अपडेट
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया