यात्रुवाहक बस दुर्घटनाहुँदा एक महिलाको मृत्यु

काठमाडौं । आइतबार बिहान बुटवलबाट बाग्लुङ जाँदै गरेको लु १ ख ५९५६ नम्बरको यात्रुवाहक बस पाल्पाको जोरधारामा दुर्घटनाहुँदा एक महिलाको मृत्यु भएको छ।

उपचारका लागि दुर्घटनामा घाइते भएकी महिलालाई लैजाँदै गर्दा बाटोमै मृत्य भएको जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक (डिएसपी) वीरेन्द्र थापाले जानकारी दिए। मृतकको पहिचान खुल्न नसकेको डिएसपी थापाले बताएका छन् ।

दुर्घटनाको सूचना पाएलगत्तै प्रहरी घटनास्थल पुगी उद्दार कार्य थालिएको जिल्ला ट्राफिक प्रहरी कार्यालय पाल्पाका प्रहरी सहायक निरीक्षक (इन्सपेक्टर) फर्सुराम गौतमले जानकारी दिए।